Mahesh Babu: మహేష్ స్పీచ్.. అంతా బాగుంది కానీ.. ఇది గమనించాల్సిందే..!

మహేష్ బాబు – త్రివిక్రమ్..ల ‘గుంటూరు కారం’ సినిమా ప్రీ రిలీజ్ ఈవెంట్ నిన్న గుంటూరులోని నంబూరు క్రాస్ రోడ్స్ లో ఘనంగా జరిగింది. అభిమానులు భారీగా తరలివచ్చారు. కొంచెం తొక్కిసలాటలు జరగడం వల్ల త్వరగా ముగించినప్పటికీ.. ఈవెంట్ గ్రాండ్ సక్సెస్ అయ్యిందనే చెప్పాలి. ఇదిలా ఉండగా.. ఈ ఈవెంట్లో మహేష్ బాబు స్పీచ్ అందరినీ ఆకట్టుకుంది. హార్ట్ ఫుల్ గా మాట్లాడుతూనే ఎమోషనల్ అయ్యి అందరినీ కంటతడి పెట్టుకునేలా చేశాడు అని చెప్పాలి.

అయితే ఒక చోట అతను సంగీత దర్శకుడు తమన్ గురించి మాట్లాడుతూ..” ‘కుర్చీ మడతపెట్టి’ అనే పాట చేస్తావా? అని నేను, త్రివిక్రమ్ గారు తమన్ ని అడిగితే అసలు ఆలోచించకుండా వెంటనే చేశాడు. వేరే ఏ సంగీత దర్శకుడైనా పది డిస్కషన్ లు పెట్టేవాడు. తమన్ అలా చేయలేదు” అంటూ మహేష్ బాబు చెప్పుకొచ్చాడు. వీటిని రెండు రకాలుగా తీసుకోవచ్చు. వేరే ఏ సంగీత దర్శకుడు అయినా అయితే పది డిస్కషన్లు పెట్టేవాడు అని..! ఇవి ఇండైరెక్ట్ గా మణిశర్మని ఉద్దేశించి మణిశర్మ అన్నాడా? అనేది ఒక రకం.

ఎందుకంటే ఇటీవల మహేష్ బాబు ని ఉద్దేశించి మణిశర్మ.. ‘దేవి శ్రీ, తమన్ ..లకి రెండేసి ఛాన్సులు ఇస్తున్నారు మాకు కూడా ఒక ఛాన్స్ ఇస్తే బాగుణ్ణు. మహేష్ కి నా గురించి ఎవరు ఏం చెప్పారో తెలీదు మా మధ్య గ్యాప్ వచ్చింది’ అన్నట్టు ఓ ఇంటర్వ్యూలో మాట్లాడాడు. ఒకవేళ మణిశర్మ ‘కుర్చీ మడత పెట్టి’ వంటి పాట చేయడానికి ఒప్పుకోడా? ఇలాగే పది డిస్కషన్లు పెడతాడా…అనే సందేహాలకు తెరలేపాయి మహేష్ బాబు కామెంట్స్. ఒకవేళ మణిశర్మ ని ఉద్దేశించి మహేష్ ఈ కామెంట్స్ చేయలేదు అనుకుందాం.!

తమన్ అయితే వెంటనే చేసేశాడు అంటే.. ? తమన్.. మణిశర్మ లేదా ఇతర మ్యూజిక్ డైరెక్టర్లలా అంత ఉన్నతంగా లేదా గొప్పగా ఆలోచించడు.. ‘వదిలించుకుందాం అన్నట్టు చేసేస్తాడు’ అనే ఉద్దేశంతో మహేష్ ఇలా అన్నాడా? ఇది కూడా గమనించదగ్గ పాయింట్. ఇదెందుకు గమనించాలి అంటే.. ‘గుంటూరు కారం’ సినిమాకి తమన్ అందించిన పాటలు మహేష్ కి నచ్చలేదు అనే రూమర్స్ కూడా ఎక్కువగా వినిపించాయి కాబట్టి..! ఓ దశలో తమన్ ని మార్చేయమని (Mahesh Babu) మహేష్ .. త్రివిక్రమ్ ని కోరినట్లు కూడా టాక్ వినిపించింది కాబట్టి..!

ఈ ఏడాది ప్రేక్షకుల్ని ఆకట్టుకున్న తెలుగు సినిమాలు!

ఈ ఏడాది వచ్చిన 10 రీమేక్ సినిమాలు… ఎన్ని హిట్టు.. ఎన్ని ఫ్లాప్?
ఈ ఏడాది ప్రేక్షకులు తలపట్టుకొనేలా చేసిన తెలుగు సినిమాలు!