Mahesh Babu: ‘అత్తారింటికి దారేది’ లో మహేష్ బాబు కామియో అలా మిస్ అయ్యిందట..!

July 28, 2022 / 03:06 PM ISTByFilmy Focus

Join Us

Mahesh Babu: ‘అత్తారింటికి దారేది’ లో మహేష్ బాబు కామియో అలా మిస్ అయ్యిందట..!

సినిమాటిక్ యూనివర్స్ కాన్సెప్ట్ అంటే హాలీవుడ్ సినిమాలు ఎక్కువగా చూసేవాళ్ళకి పరిచయం చేయాల్సిన పనిలేదు. అయితే తెలుగు ప్రేక్షకులందరికీ ఈ కాన్సెప్ట్ గురించి తెలియజేసింది ‘విక్రమ్’ దర్శకుడు లోకేష్ కనగరాజన్. ‘విక్రమ్’ చిత్రాన్ని కనుక చూసుకుంటే.. ఇందులో ‘ఖైదీ'(2019) చిత్రంలోని ఢిల్లీ పాత్రని, బిజోయ్ పాత్రని ఇందులో కూడా కంటిన్యూ చేసి.. ‘ఖైదీ’ కి ఉన్న కల్ట్ ఫ్యాన్స్ ను ఖుషీ చేయించాడు లోకేష్. అలాగే గతంలో కమల్ రా ఏజెంట్ గా నటించిన ‘విక్రమ్'(1986) చిత్రంలోని అదే పాత్రని కొత్త విక్రమ్ లో కూడా కంటిన్యూ చేశాడు.

చెప్పుకోడానికి ‘విక్రమ్’ అనేది కొత్త కథ కాదు కానీ.. ఈ కాన్సెప్ట్ టచ్ అవ్వడం వల్ల ఆడియెన్స్ థ్రిల్ అయ్యారు.. రిపీటెడ్ గా ఈ సినిమాని చూశారు. అయితే ఇలాంటి కాన్సెప్ట్ ను మనం గతంలో కొన్ని తెలుగు సినిమాల్లో చూశాం.కానీ క్రేజ్ ఉన్న పాత్రలను ఆ సినిమాల్లో టచ్ చేయలేదు మన మేకర్స్ . ఇదిలా ఉండగా.. అసలైన సినిమాటిక్ యూనివర్స్ ను ‘అత్తారింటికి దారేది’ తో తెలుగు ప్రేక్షకులకు రుచి చూపిద్దామని త్రివిక్రమ్ అనుకున్నాడట.

ఎలా అంటే.. క్లైమాక్స్ లో సమంత ఇంటి నుండి వెళ్ళిపోతుంది. త్రివిక్రమ్ ముందుగా అనుకున్న క్లైమాక్స్ ప్రకారం..సమంత పెళ్లి వద్దనుకొని వెళ్ళిపోయిన విషయాన్ని తెలుసుకున్న సిద్దప్ప నాయుడు మనుషులు.. ఆమె కారు పై దాడి చేసి ఆమెను తిరిగి పెళ్లి పెళ్ళిమండపానికి తీసుకురావాలని చూస్తారు. అదే టైములో ‘ఖలేజా’ చిత్రంలోని టాక్సీ డ్రైవర్ రాజు పాత్ర వచ్చి.. సమంతని, అలీని సేవ్ చేసినట్టు.. చిన్న ఫైట్ కూడా చేసినట్లు చూపించాలని త్రివిక్రమ్ మొదట అనుకున్నాడట.

ఇదే విషయాన్ని మహేష్ కి చెబితే.. ‘గెస్ట్ రోల్స్ ఎందుకు.. కథలో ఉన్న ఎమోషనల్ ఫీల్ సైడ్ ట్రాక్ కి వెళ్ళిపోతుంది. మంచి కథ రెడీ చేయండి మల్టీస్టారరే చేద్దాం అని చెప్పాడట’. మహేష్ కాదనడంతో మనసుమార్చుకున్నాడు త్రివిక్రమ్. అయినా సరే అత్తారింటికి దారేది క్లైమాక్స్ అదిరిపోయేలా డిజైన్ చేశాడు. ఆ సినిమా ఇండస్ట్రీ హిట్ అయ్యింది. ‘ఖలేజా’ సినిమాలో టాక్సీ డ్రైవర్ రాజు పాత్రకు కల్ట్ ఫ్యాన్స్ ఉన్నారు. ఒకవేళ ఆ పాత్ర కనుక ఉండి ఉంటే.. కచ్చితంగా జనాలు థ్రిల్ అయ్యే వారు కానీ ఎమోషనల్ కనెక్టివిటీ లోపించేది.