మహేష్ బాబు (Mahesh Babu) త్రివిక్రమ్ శ్రీనివాస్ (Trivikram) కాంబినేషన్ లో తెరకెక్కిన గుంటూరు కారం (Guntur Kaaram) సినిమా థియేటర్లలో యావరేజ్ రిజల్ట్ ను అందుకున్నా బుల్లితెరపై ఈ సినిమా మంచి రేటింగ్ ను సొంతం చేసుకున్న సంగతి తెలిసిందే. అయితే ఈ సినిమా బుల్లితెరపై ప్రసారమైన తర్వాత కూడా ఈ సినిమా ఖాతాలో, మహేష్ బాబు ఖాతాలో సరికొత్త రికార్డులు చేరుతున్నాయి. తాజాగా ఈ సినిమాలోని కుర్చీ మడతబెట్టి సాంగ్ యూట్యూబ్ లో 200 మిలియన్ల వ్యూస్ తో అరుదైన రికార్డ్ ను చేరుకుంది.
సూపర్ స్టార్ మహేష్ బాబు సినీ కెరీర్ లో ఎక్కువ వ్యూస్ ను సొంతం చేసుకున్న సెకండ్ సాంగ్ గా ఈ సాంగ్ నిలిచింది. మహేష్ కెరీర్ లో ఎక్కువ వ్యూస్ సాధించిన మొదటి సాంగ్ సర్కారు వారి పాట (Sarkaru Vaari Paata) సినిమాలోని కళావతి సాంగ్ కాగా ఆ సాంగ్ కు ఏకంగా 245 మిలియన్ల వ్యూస్ వచ్చాయి. అయితే కుర్చీ మడతబెట్టి సాంగ్ రాబోయే రోజుల్లో ఈ రికార్డ్ ను సైతం బ్రేక్ చేసే ఛాన్స్ అయితే ఉందని కామెంట్లు వ్యక్తమవుతున్నాయి.
మహేష్ బాబు యూట్యూబ్ లో సైతం సరికొత్త రికార్డులను క్రియేట్ చేస్తుండటం ఫ్యాన్స్ కు మరింత సంతోషాన్ని కలిగిస్తోంది. ఒక సాంగ్ కు దాదాపుగా 20 కోట్ల వ్యూస్ రావడం సులువు కాదని పాన్ ఇండియా సినిమాల్లో నటించకుండానే మహేష్ ఈ స్థాయిలో రికార్డ్స్ సాధిస్తే రాజమౌళి(S. S. Rajamouli) సినిమాతో మహేష్ ఏ స్థాయిలో రికార్డ్స్ సాధిస్తారో అని ఫ్యాన్స్ కామెంట్లు చేస్తున్నారు. ఈ తరహా రికార్డ్స్ మహేష్ కు మాత్రమే సాధ్యమనే కామెంట్లు వ్యక్తమవుతున్నాయి.
మరోవైపు రాజమౌళి నుంచి క్లారిటీ వచ్చే వరకు మహేష్ మూవీ విషయంలో వచ్చే కామెంట్లను రూమర్స్ గా పరిగణించాల్సి ఉంటుందని ఇండస్ట్రీ వర్గాల్లో వినిపిస్తోంది. మహేష్ సినిమా కోసం జక్కన్న ఇంత సమయం కేటాయిస్తున్నాడంటే ముఖ్యమైన కారణాలు ఉంటాయని ఫ్యాన్స్ నమ్ముతున్నారు. మహేష్ రాజమౌళి కాంబో మూవీకి సంబంధించి ఎలాంటి అప్ డేట్స్ రాకుండానే అంచనాలు మాత్రం అంతకంతకూ పెరుగుతున్నాయి.
