Mahesh Babu, Trivikram: మహేష్ తో త్రివిక్రమ్ ప్లాన్ ఇదే..!

August 16, 2022 / 04:10 PM ISTByFilmy Focus

Join Us

Mahesh Babu, Trivikram: మహేష్ తో త్రివిక్రమ్ ప్లాన్ ఇదే..!

టాలీవుడ్ లో స్టార్ డైరెక్టర్ గా దూసుకుపోతున్నారు త్రివిక్రమ్. ఆయన సినిమాలు ఎలా ఉంటాయో అందరికీ తెలిసిందే. బంధాలు, కుటుంబాలు, ఎమోషన్స్, సెంటిమెంట్ కి ఎక్కువ వాల్యూ ఇస్తుంటారు త్రివిక్రమ్. వాటి మధ్యలో హీరోయిజం, కామెడీను మిక్స్ చేస్తూ జనాలకు కనెక్ట్ అయ్యేలా చేస్తుంటారు. మొదటి నుంచి కూడా ఆయన ఇదే ఫార్ములా ఫాలో అవుతున్నారు. ఈ క్రమంలో ఎన్నో హిట్స్ అందుకున్నారు. త్రివిక్రమ్ నుంచి చివరిగా వచ్చిన సినిమా ‘అల.. వైకుంఠపురములో’.

ఈ సినిమా విడుదలై చాలా కాలమవుతున్నా.. ఇప్పటివరకు త్రివిక్రమ్ మరో సినిమా చేయలేదు. మధ్యలో ‘భీమ్లానాయక్’ సినిమా కోసం వర్క్ చేశారు. కానీ డైరెక్టర్ గా కాదు. మహేష్ బాబుకి స్క్రిప్ట్ చెప్పి ఓకే చేయించుకున్న త్రివిక్రమ్ చాలా రోజులుగా కథపై వర్క్ చేస్తున్నారు. ఈ సినిమా కోసం త్రివిక్రమ్ రూట్ మార్చినట్లు సమాచారం. ఈ సినిమాలో ఫ్యామిలీ డ్రామా ఉండదట. ఈసారి త్రివిక్రమ్ యాక్షన్ పై దృష్టి పెట్టినట్లు తెలుస్తోంది.

మహేష్ బాబుతో ఆయన చేయబోయే సినిమా పూర్తిగా యాక్షన్ నేపథ్యంలో సాగుతుందని.. త్రివిక్రమ్ మార్క్ ఫ్యామిలీ సన్నివేశాలు అసలు కనిపించవని ఇన్ సైడ్ వర్గాల సమాచారం. నిజానికి ముందుగా త్రివిక్రమ్ ‘అతడు’ స్టైల్ లో స్టోరీ రెడీ చేశారట. అందులో యాక్షన్ తో పాటు ఫ్యామిలీ ఎమోషన్స్ కూడా ఉంటాయి. కానీ మహేష్ బాబు మాత్రం ఈసారి యాక్షన్ పై దృష్టి పెట్టమని చెప్పారట.

అందుకే త్రివిక్రమ్ కాస్త సమయం తీసుకొని స్క్రిప్ట్ లో కీలకమార్పులు చేసినట్లు తెలుస్తోంది. ఆ కారణంగానే సినిమాను పట్టాలెక్కించడానికి సమయం పట్టింది. మహేష్ పుట్టినరోజు నాడు ఈ సినిమాను మొదలుపెట్టాలని అనుకున్నారు. కానీ ప్రస్తుతం నిర్మాతలు బంద్ పాటిస్తుండడంతో మహేష్ సినిమా స్టార్ట్ కాలేదు. ఈ నెలాఖరున సినిమా మొదలయ్యే ఛాన్స్ ఉంది.