సూపర్ స్టార్ మహేష్ బాబు తెర పైనే కాదు.. నిజ జీవితంలోను హీరో అని అనేక సార్లు నిరూపించుకున్నారు. ఇతరులను అయన గౌరవించే తీరు ఎప్పుడూ మాటల్లో వినడమే కానీ చూడలేదు. ఆ అవకాశం రీసెంట్ గా జరిగిన ఓ కార్యక్రమంలో లభించింది. ప్రముఖ నటి, నిర్మాత, డైరక్టర్ విజయ నిర్మల మనవడు, నరేష్ తనయుడు నవీన్ విజయ కృష్ణ హీరోగా నటించిన “నందిని నర్సింగ్ హోం” సినిమా ఆడియో వేడుక ఈ నెల 27వ తేదీన వైభవంగా జరిగింది. ఈ కార్యక్రమంలో సూపర్ స్టార్ కృష్ణ, మహేష్ బాబు, సాయి ధరమ్ తేజ్, తదితరులు పాల్గొన్నారు.
వీరు ఆడియో బిగ్ సీడీ ని రిలీజ్ చేసేందుకు వేదిక ఎక్కగానే “నందిని నర్సింగ్ హోం” నటీనటులు, టెక్నీషియన్లు కూడా స్టేజీ పైకి చేరుకున్నారు. మహేష్ పక్కన నిలబడాలని కోరికతో తోసుకున్నారు. ఈ తోపులాటలో సాయి ధరమ్ తేజ్ వెనుక వరుసలోకి వెళ్లి పోయారు. ఈ విషయాన్నీ గుర్తించిన ప్రిన్స్ వెంటనే తేజు దగ్గరకు పోయి, తీసుకొచ్చి మొదటి వరుసలో తన తండ్రి కృష్ణ పక్కన ఉంచాడు. మహేష్ చేసిందంతా లైవ్ లో చూస్తున్న అయన అభిమానులు చప్పట్లుకొట్టారు. ఆ కార్యక్రమాన్ని మెగా అభిమానులు సైతం చూస్తున్నారు. దీంతో వారుకూడా ప్రిన్స్ ని అభినందనలతో ముంచెత్తారు. మెగా హీరోల పట్ల ప్రిన్స్ కున్న గౌరవాన్ని కళ్లారాచూసి సంతోషపడుతున్నారు.
