2020 సంక్రాంతి టార్గెట్ గా బడా హీరోల సినిమాలు సందడి చేయనుంది. ఈ విషయాన్ని ‘సరిలేరు నీకెవ్వరు’ టీం కన్ఫార్మ్ చేసింది. టాలీవుడ్ సూపర్ స్టార్ మహేష్ బాబు హీరోగా అనిల్ రావిపూడి డైరెక్షన్లో తెరకెక్కుతున్న ఈ చిత్రం సంక్రాంతికి విడుదల చేస్తున్నట్టు చిత్ర యూనిట్ సభ్యులు ఈ చిత్రాన్ని ప్రారంభించినప్పుడే అనౌన్స్ చేసిన సంగతి తెలిసిందే.
అయితే మహేష్ కు పోటీగా నేను ఉన్నాను అంటూ… అల్లు అర్జున్ కూడా తన సినిమా సంక్రాంతికే వస్తున్నట్టు క్లారిటీ ఇచ్చేసాడు. అల్లు అర్జున్, త్రివిక్రమ్ కాంబినేషన్లో తెరకెక్కుతున్న చిత్రం 2020 సంక్రాంతికే విడుదల కానుంది. 2007 లో వచ్చిన ‘దేశముదురు’ చిత్రం తర్వాత.. దాదాపు 13 ఏళ్ళ తరువాత సంక్రాంతికి వస్తున్నాడు అల్లు అర్జున్. మధ్యలో ‘ఎవడు’ సినిమా వచ్చినప్పటికీ అది అతిధి పాత్రే కాబట్టి చరణ్ అకౌంట్లో పడిపోయింది.
ఇక 2020 సంక్రాంతి టార్గెట్ చేసిన మరో స్టార్ హీరో నందమూరి బాలకృష్ణ. కె.ఎస్. రవికుమార్ డైరెక్షన్లో రూపొందుతున్న చిత్రం కూడా అదే సమయానికి విడుదల కానుంది. సంక్రాంతి సీజన్లో బాలయ్యకు మంచి ట్రాక్ రికార్డు ఉంది. సంక్రాంతికి బాలయ్య సినిమా వస్తుందంటే 90 శాతం హిట్టే.. అందులోనూ ఈ కాంబినేషన్లో వచ్చిన గత చిత్రం ‘జయసింహ’ కూడ మంచి విజయాన్ని నమోదు చేసింది.
సౌత్ ఇండియన్ సూపర్ స్టార్ రజినీ కాంత్ కూడా 2020 సంక్రాంతి ని టార్గెట్ చేశారు. ఏ.ఆర్.మురుగదాస్ డైరెక్షన్లో రజినీకాంత్ హీరోగా రూపొందుతున్న ‘దర్బార్’ చిత్రం తమిళ, తెలుగు భాషల్లో ఇక కాలంలో విడుదల కాబోతుంది. నయనతార హీరోయిన్ గా నటిస్తున్న ఈ చిత్రం పై కూడా భారీ అంచనాలే ఉన్నాయి.
ఇక సాయి తేజ్, మారుతీ కాంబినేషన్లో రూపొందుతున్న ‘ప్రతీరోజు పండగే’ సినిమా కూడా 2020 సంక్రాంతికే విడుదల కాబోతుంది. టైటిల్ లోనే పండుగ అని ఉంది కాబట్టి ఇది.. పక్కా ఫ్యామిలీ ఎంటర్టైనర్ అని స్పష్టమవుతుంది. అందులోనూ తేజు సరసన.. రాశీ ఖన్నా హీరోయిన్ గా నటిస్తుంది. గతంలో వీరిద్దరి కాంబినేషన్ లో వచ్చిన ‘సుప్రీమ్’ చిత్రం సూపర్ హిట్టయ్యింది. ఇక మారుతీ ఎంటర్టైన్మెంట్ మూవీ చేస్తాడు కాబట్టి ఇది కచ్చితంగా సక్సెస్ ఫుల్ మూవీ అవుతుందని ప్రేక్షకులు ఫిక్సయిపోయారు.
మొత్తానికి… 2020 సంక్రాంతికి వచ్చే సినిమాల ట్రాక్ రికార్డు బాగుంది. కచ్చితంగా అన్నీ మినిమం గ్యారంటీ సినిమాల్లానే కనిపిస్తున్నాయి. మరి కమర్షియల్ గా సంక్రాంతి విన్నర్ ఎవరవుతారనేది చూడాల్సి ఉంది.
