నమ్రతపై సంచలన కామెంట్స్ చేసిన మలైకా అరోరా

మహేష్ బాబు సతీమణి నమ్రత శిరోద్కర్ పై ఇప్పటి వరకు ఎటువంటి విమర్శలు రాలేదు. ఆమె ఏ వివాదంలోనూ ఇరుక్కోలేదు. మిస్ ఇండియా కిరీటాన్ని గెలుచుకున్న ఈమె.. పెళ్లి అయిన తర్వాత మోడలింగ్, నటనకు స్వస్తి పలికి ఇంటికే పరిమితమయ్యారు, మహేష్, తమ పిల్లలు గౌతమ్, సితార బాగోగులు చూసేందుకు సమయాన్ని కేటాయించింది. అంతేకాదు సేవ కార్యక్రమాల్లో చురుకుగా పాల్గొంటూ అందరితో అభినందనలు అందుకుంటోంది. అటువంటి నమ్రతపై బాలీవుడ్ నటి మలైకా అరోరా సంచలన కామెంట్స్ చేసింది. నమ్రతకి చాలా పొగరని మీడియాలో చెప్పింది.

బాలీవుడ్ నటి నేహా ధూపియా నిర్వహిస్తున్న ‘వోగ్ బీఎఫ్ఎఫ్’ కార్యక్రమంలో పాల్గొన్న మలైకా మోడలింగ్ రంగంలో ఉన్నప్పుడు తనకు ఎదురైన అనుభవాలను షేర్ చేసుకుంది. “నేను మోడలింగ్ రంగంలోకి అడుగుపెట్టే సమయానికి నమ్రత, మెహర్ జెస్సియాలు టాప్ మోడల్స్ గా ఉన్నారు. దీంతో, జూనియర్ అయిన నా పట్ల వారు చాలా దురుసుగా ప్రవర్తించారు” అని వెల్లడించింది. అయితే కొన్ని రోజులకి నమ్రత, మెహర్ జెస్సియాలను తాను అర్ధం చేసుకున్నానని, అప్పటి నుంచి ఇప్పటివరకు స్నేహని కొనసాగిస్తున్నామని వివరించింది.