ఎన్టీఆర్ బయోపిక్ లో నటించనున్న యంగ్ హీరోయిన్ మాళవిక నాయర్

ఎన్టీఆర్ బయోపిక్ సినిమా షూటింగ్ శరవేగంగా జరుగుతుంది. ఈ సినిమాకి సంబంధించి రోజుకో వార్త బయటకి వస్తు అందరిలో ఆసక్తి మరింతగా పెంచుతుంది. ఇప్పటికే నందమూరి తారకరామారావు గా బాలకృష్ణ, నారా చంద్రబాబు నాయుడిగా రానా, శ్రీదేవిగా రకుల్ ప్రీత్ సింగ్, జయప్రదగా తమన్నా, సావిత్రిగా నిత్యా మీనన్ నటిస్తున్నారు. ఇక ఇందులో ఒక పాత్ర కోసం డైరెక్టర్ క్రిష్ ‘ఎవడె సుబ్రహ్మణ్యం’ ఫేమ్ హీరోయిన్ మాళవిక నాయర్ ని సెలెక్ట్ చేసినట్లుగా తెలుస్తుంది.

ఇక విషయంలోకి వెళితే, నందమూరి తారకరామారావు గారి సరసన చాలామంది హీరోయిన్లు నటించారు. అందులో కొన్ని హిట్ చిత్రాలను బయోపిక్ లో తీసుకొని ఆ సినిమాకు సంబంధించిన కొన్ని సన్నివేశాలను బయోపిక్ లో చూపించబోతున్నట్లుగా తెలుస్తుంది. అందులో భాగంగానే ఇప్పటికే సావిత్రి, శ్రీదేవి, జయప్రద వంటి కొన్ని పాత్రలకు హీరోయిన్స్ ని కన్ఫర్మ్ చేయగా, నందమూరి తారకరామారావు గారి సరసన పలు హిట్ సినిమాల్లో నటించిన అప్పటి హీరోయిన్ కృష్ణకుమారి పాత్రకి యంగ్ హీరోయిన్ మాళవిక నాయర్ ని కన్ఫర్మ్ చేసినట్లుగా తెలుస్తుంది. ఇక హీరో బాలకృష్ణ, మాళవిక నాయర్ మధ్య వచ్చే సన్నివేశాలను త్వరలోనే చిత్రీకరించనున్నారు.