హీరోగా టాలీవుడ్‌లో కెరీర్ స్టార్ట్‌ చేసి.. అనుకున్నంత పేరు సంపాదించకపోయినా… దర్శకుడిగా మాత్రం తొలి చిత్రంతోనే అదిరిపోయే సినిమా చేశారు మల్లిడి వశిష్ట. ఆ సినిమా తర్వాతి ప్రాజెక్ట్‌గా ‘బింబిసార 2’ చేయాల్సి ఉంది. అయితే ఏమైందో ఏమో ఈ సినిమ పనులు ఇలా స్టార్ట్‌ చేశారో లేదో.. అలా ఆపేశారు. దీంతో ఇప్పుడు నెక్స్ట్‌ ప్రాజెక్ట్‌గా చిరంజీవితో సినిమా చేయబోతున్నారు. ఆ సినిమా గురించి ఆసక్తికర వ్యాఖ్యలు చేశారు.
చిరంజీవి – మల్లిడి వశిష్ట కాంబినేషన్‌లో ఓ సినిమా తెరకెక్కనుంది. చిరు 157వ సినిమాగా తెరకెక్కుతున్న ఈ ప్రాజెక్ట్‌ ప్రీ ప్రొడక్షన్‌ పనుల్లో టీమ్‌ బిజీగా ఉన్నారు. ఈ నేపథ్యంలో సినిమా గురించి, సినిమా కథ గురించి రకరకాల వార్తలు వస్తున్నాయి. అందులో ఎంత వరకు నిజం ఉంది అనేది తెలియడం లేదు. అయితే ఈ సినిమా ‘జగదేక వీరుడు అతిలోక సుందరి’ తరహాలో ఉంటుంది అని చెబుతున్నారు. అలాగే ఈ సినిమాకు ‘ముల్లోక వీరుడు’, ‘జగదేక వీరుడు’ లాంటి పేర్లు పరిశీలనలో ఉన్నాయి అని కూడా చెబుతున్నారు.
దీని గురించి మల్లిడి వశిష్ట (Vasishta) మాట్లాడుతూ.. ‘జగదేక వీరుడు అతిలోక సుందరి’ సినిమా తర్వాత చిరంజీవి మళ్లీ ఇప్పుడు ఫాంటసీ కథలో కనిపించబోతున్నారు. ఈ తరం పిల్లలకు నాటి చిరంజీవిని అదే తరహాలో చూపించాలనుకుంటున్నాను అని చెప్పారు. ఫాంటసీ సినిమాలు వీక్షిస్తూ, కార్టూన్లు చూస్తూ, చందమామ కథలు చదువుతూ నా బాల్యం గడిచింది. అలాగే మార్వెల్‌, డీసీ సూపర్‌ హీరోల సినిమాలు, విఠలాచార్య సినిమాలను ఇష్టపడతాను.
‘అవతార్‌’లా కొత్త ప్రపంచాన్ని రూపొందించడం, ప్రేక్షకులను అందులో లీనమయ్యేలా చేయడంలో ఆనందం ఉంటుంది. ఇప్పుడు ఈ సినిమాలో అలాంటి ప్రయత్నం చేస్తున్నాం. ఇప్పటికే దీనికి సంబంధించిన చర్చలు జరుగుతున్నాయి. అని చెప్పారు వశిష్ట. ఇక ఓ రోజు పాత మిక్కీ మౌస్‌ కార్టూన్‌ చూస్తున్న సమయంలో ‘బింబిసార’ సినిమా కథాలోచన వచ్చింది అంటూ ఆ సినిమా సీక్రెట్‌ చెప్పుకొచ్చారు.
‘బిగ్ బాస్ 7’ కంటెస్టెంట్ ప్రియాంక జైన్ గురించి 10 ఆసక్తికర విషయాలు..!
‘బిగ్ బాస్ 7’ కంటెస్టెంట్ దామిని భట్ల గురించి 10 ఆసక్తికర విషయాలు!
‘బిగ్ బాస్ 7’ 14 మంది కంటెస్టెంట్స్ పారితోషికాల లిస్ట్..!
