మంచు కుటుంబంలో మల్టీ టాలెంటెడ్‌ హీరో అంటే మంచు మనోజ్‌ అనే చెప్పాలి. నటుడు, నిర్మాత, యాక్షన్‌ కొరియోగ్రాఫర్‌… ఇలా చాలా పనులే చేస్తుంటారు. ఏ పని చేసినా అందులో వందకు రెండొందల శాతం అవుట్‌పుట్‌ ఇస్తాడు అని టాక్‌. అయితే సినిమా ఫలితాలు నిరాశపరిచి కాస్త డౌన్‌ అయ్యాడు. గత కొన్నేళ్లుగా సినిమాలు చేయడం లేదు. మొదలుపెట్టిన ఓ సినిమా ఆగిపోగా… ఇంకో సినిమా సంగతి తెలియాలి. ఆ సినిమా సంగతులు పక్కన పెడితే… ఇప్పుడు ఆయన కొత్త అవతారం ఎత్తుతున్నాడు.
ఈటీవీలో త్వరలో ఆయన హోస్ట్‌గా ఓ షో ప్రారంభం కానుంది. ఈ మేరకు ఈటీవీ నుండి ఓ ప్రోమో విడుదలైంది. అందులో మనోజ్‌ కెరీర్‌లో ఎత్తుపల్లాలు, వ్యక్తిగత జీవితంలో ఎత్తు పల్లాల గురించి ప్రస్తావిస్తూ… తాజాగా కొత్త అవతారంలో ప్రేక్షకుల ముందుకొస్తున్నాను అంటూ చెప్పుకొచ్చాడు మనోజ్‌. ప్రోమోలో కార్యక్రమం ఏంటో చెప్పలేదు కానీ… ఇది ఒక టాక్‌ షో అని తెలుస్తోంది. వీడియోకు ‘ర్యాంప్‌ ఆడిద్దాం’ అనే పేరు పెట్టారు.
దీంతో ఇదేమైనా గేమ్‌ షో, రియాలిటీ షో లాంటిదా అనే డౌట్స్‌ కూడా ఉన్నాయి. త్వరలో ఈ కార్యక్రమం ప్రసారం మొదలవుతుంది. ఈ షోను పీపుల్స్‌ మీడియా ఫ్యాక్టరీ రూపొందిస్తోంది. ఈటీవీలో ప్రతి మంగళవారం రాత్రి 9.30కు ఈ షో ఉండొచ్చు అని సమాచారం. గతంలో ఇదే బ్యానర్‌ మీద ఈటీవీలో ‘అలా మొదలైంది’ అనే కార్యక్రమం వచ్చేది. టాక్‌ షోగా దానిని వెన్నెల కిషోర్‌ హ్యాండిల్‌ చేశారు.
ఇక ఆ కార్యక్రమానికే (Manchu Manoj) మంచు మనోజ్‌, మౌనిక రెడ్డి దంపతులు గెస్ట్‌లుగా వచ్చారు. ఇప్పుడు అదే బ్యానర్‌లో షో చేస్తున్నారు. ఇక టాలీవుడ్‌లో ఇప్పటికే చిరంజీవి, నాగార్జున, బాలకృష్ణ, ఎన్టీఆర్, రాన, నాని, నవదీప్, విశ్వక్‌సేన్‌ లాంటి వాళ్లు ఈ తరహాలో షోలు చేశారు. మరి మనోజ్‌ ఎలాంటి ప్రభావం చూపిస్తాడో చూడాలి.
‘బిగ్ బాస్ 7’ కంటెస్టెంట్ ప్రియాంక జైన్ గురించి 10 ఆసక్తికర విషయాలు..!
‘బిగ్ బాస్ 7’ కంటెస్టెంట్ దామిని భట్ల గురించి 10 ఆసక్తికర విషయాలు!
‘బిగ్ బాస్ 7’ 14 మంది కంటెస్టెంట్స్ పారితోషికాల లిస్ట్..!
