హీరోలు లావెక్కడం ఎంత వేగంగా జరిగిపోతుందో, సన్నబడం అంతే వేగంగా జరిగిపోతుంటుంది. లావెక్కడం వెనుక ఉన్న కష్టాలు మనకు అవసరం లేనప్పటికీ, సన్నబడం వెనుక ఉన్న కష్టం, శ్రమ, కారణం మనకు తెలియాల్సిందే ఏమంటారు. అలా తాజాగా సన్నబడ్డ హీరో మంచు మనోజ్. సినిమాల్లోకొచ్చిన తొలి నాళ్లలో కాస్త లావుగా కనిపించిన మనోజ్, ఆ తర్వాత సన్నబడ్డాడు. మళ్లీ ఇటీవల కాలంలో సినిమాల్లో గ్యాప్‌ వచ్చింది… మనిషి లావెక్కాడు కూడా. మొన్నామధ్య తన కొత్త సినిమా ప్రారంభంలో చాలా లావుగా కనిపించాడు. అయితే అది గతం… ఇప్పుడు చిన్న మంచు చిక్కి.. చక్కగయ్యాడు.
మంచు మనోజ్ పర్సనల్‌ లైఫ్‌లో ఇటీవల కొన్నిమార్పులు వచ్చాయి. విడాకులు తర్వాత తేరుకొని రెండు కొత్త సినిమాలకు ఓకే చెప్పాడు. ఆ వెంటనే లాక్‌డౌన్‌ మొదలవ్వడంతో గ్యాప్‌ వచ్చింది. ఈ గ్యాప్‌ను చక్కగా వినియోగించుకున్నాడు మనోజ్. దాదాపు 15కిలోలు బరువు తగ్గి స్మార్ట్‌ లుక్‌లోకి మారిపోయాడు మనోజ్. ఈ కొత్త లుక్‌కు సంబంధించిన ఫొటోలను ట్వీట్‌ చేశాడు మనోజ్. చక్కగా క్రాఫ్‌ను పైకి దువ్వి, తెల్ల జుబ్బాతో భలే ఉన్నాడు కుర్రోడు అనిపించేలా ఫొటోలకు పోజిచ్చాడు. నిజం చెప్పాలంటే తొలి రోజుల్లో మనోజ్‌లా కనిపించాడు.
మనోజ్ ఇలా మారడం వెనుక చాలా కృషి ఉంది. గత కొన్నాళ్లుగా కఠినమైన వ్యాయామాలు చేశాడట. ఆయుర్వేదిక్‌ డైట్‌ను అనుసరించాడట. అయితే ఈ వివరాల్ని మనోజ్ ఎక్కడా అధికారికంగా ప్రకటించలేదు. ఎవరైనా ఇదే చేస్తారు కదా అంటే. ఇలా చేస్తే బరువు తగ్గి మంచి లుక్‌లోకి రారనే విషయం మనకు తెలిసిందే. బరువు తగ్గాలి, బాడీ ఫిట్‌ చేసుకోవాలనే కృతనిశ్చయం ఉండాలి. అది మనోజ్‌కి ఉంది. సినిమాల్లో విజయం విషయంలో ఇంతే జోరు చూపించాలని అభిమానులు ఆశిస్తున్నారు.
Most Recommended Video
2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!
