మంచు విష్ణు నటించి గతేడాది విడుదలైన మోసగాళ్లు సినిమా ప్రేక్షకులను ఏ మాత్రం ఆకట్టుకోలేదనే సంగతి తెలిసిందే. ఆ తర్వాత విష్ణు హీరోగా శ్రీను వైట్ల డైరెక్షన్ లో ఢీ సినిమా సీక్వెల్ తెరకెక్కుతుందని వార్తలు ప్రచారంలోకి వచ్చినా ఈ సినిమా సెట్స్ పైకి వెళుతుందో లేదో క్లారిటీ లేదు. అయితే తాజాగా మంచు విష్ణు తన కొత్త సినిమాకు సంబంధించి ప్రకటన చేశారు. రొటీన్ కు భిన్నంగా తనపై తానే సెటైర్లు వేసుకుంటూ విష్ణు ఈ సినిమాకు సంబంధించిన ప్రకటన చేశారు.
జిన్నా పేరుతో కోన వెంకట్ స్క్రిప్ట్ తో ఈ సినిమా తెరకెక్కనుంది. మురుగదాస్ శిష్యుడు సూర్య డైరెక్షన్ లో ఈ సినిమా తెరకెక్కనుంది. అనూప్ రూబెన్స్ ఈ సినిమాకు మ్యూజిక్ అందిస్తుండగా ఛోటా కె నాయుడు సినిమాటోగ్రాఫర్ గా వ్యవహరించనున్నారు. ఈ సినిమాతో మంచు విష్ణు కోరుకున్న సక్సెస్ దక్కుతుందేమో చూడాలి. మంచు విష్ణు ఈ సినిమా సక్సెస్ విషయంలో కాన్ఫిడెన్స్ తో ఉన్నారు. కోన వెంకట్ వల్ల విష్ణుకు సక్సెస్ దక్కుతుందని విష్ణు ఫ్యాన్స్ భావిస్తున్నారు.
సన్నీ లియోన్, పాయల్ రాజ్ పుత్ ఈ సినిమాలో హీరోయిన్లుగా నటిస్తున్నారు. కెరీర్ పరంగా మంచు విష్ణుకు ప్రస్తుతం భారీ బ్లాక్ బస్టర్ హిట్ అవసరమనే సంగతి తెలిసిందే. మంచు విష్ణు గత సినిమా మోసగాళ్లు భారీ బడ్జెట్ తో తెరకెక్కినా ఈ సినిమా ప్రేక్షకులను ఆకట్టుకోలేదు. క్రిటిక్స్ నుంచి పాజిటివ్ రివ్యూలు వచ్చినా ఈ సినిమా ప్రేక్షకుల మెప్పు పొందలేదు. కాజల్ క్రేజ్ కూడా ఈ సినిమాకు ఏ మాత్రం ఉపయోగపడలేదు.
ఢీ, దేనికైనా రెడీ సినిమాలకు కథ అందించిన కోన వెంకట్ ను నమ్ముకుని విష్ణు ఈ సినిమా విషయంలో ముందడుగులు వేస్తున్నారు. మంచు విష్ణు ఈ సినిమాను తెలుగు, తమిళ, మలయాళ, హిందీ భాషల్లో రిలీజ్ చేస్తున్నట్టు ప్రకటించారు. పాన్ ఇండియా సినిమాగా రిలీజ్ కానున్న ఈ సినిమాతో విష్ణు ఎలాంటి ఫలితాన్ని అందుకుంటారో చూడాల్సి ఉంది.
Most Recommended Video
విక్రమ్ సినిమా రివ్యూ & రేటింగ్!
వెంకీ టు నితిన్… ఛాలెంజింగ్ పాత్రలు చేసిన 10 మంది హీరోల లిస్ట్
ప్రభాస్ టు నాని… నాన్ థియేట్రికల్ రైట్స్ రూపంలో భారీగా కలెక్ట్ చేసే హీరోలు..!
