పాపం శ్రీను వైట్ల… విష్ణు కూడా వెనకడుగేస్తున్నాడుగా..!

September 2, 2020 / 08:36 PM ISTByFilmy Focus

Join Us

పాపం శ్రీను వైట్ల… విష్ణు కూడా వెనకడుగేస్తున్నాడుగా..!

ఒకప్పుడు శ్రీనువైట్ల డైరెక్షన్లో సినిమా చెయ్యాలి అని ప్రతీ హీరో ఆశగా ఎదురుచూసేవాడు. ఓ హీరో సంపూర్ణ నటుడు అనిపించుకోవాలి అంటే అతను కామెడీ కూడా బాగా చెయ్యగలడు అని ప్రూవ్ చేసుకోవాలి. ‘సినిమాల్లో కామెడీ ఉండడం వేరు.. హీరోలోని కామెడీ యాంగిల్ ను బయటకు తియ్యడం వేరని’ ఇండస్ట్రీలో చాలా మంది అంటుంటారు. ఒకప్పుడు అలా ఇవివి సత్యనారాయణ గారు ఉండేవారు.. తరువాత శ్రీనువైట్ల ఆ ప్లేస్ ను రీప్లేస్ చేస్తాడు అని అంతా ఫిక్స్ అయిపోయారు.

కానీ తరువాత సీన్ పూర్తిగా రివర్స్ అయ్యింది. ‘బాద్ షా’ వరకూ బాగానే సాగిన శ్రీను వైట్ల ప్రయాణం తరువాత ఒక్కసారిగా తలక్రిందులు అయ్యింది. అటు తరువాత వచ్చిన ‘ఆగడు’ చిత్రం పెద్ద డిజాస్టర్ అయ్యింది.అంచనాలు ఎక్కువవ్వడం వల్ల ఆ సినిమా ప్లాప్ అయ్యింది అని అంతా సరిపెట్టుకున్నారు. ‘ఆగడు’ తరువాత కూడా శ్రీను వైట్లకు పెద్ద నిర్మాతలు అలాగే పెద్ద హీరోలు ఛాన్సులు ఇచ్చారు. కానీ ‘ఆగడు’ తరువాత వచ్చిన ‘బ్రూస్ లీ’ ‘మిస్టర్’ ‘అమర్ అక్బర్ ఆంటోని’ వంటి చిత్రాలు ‘ఆగడు’ నే బెటర్ అనిపించేంత డిజాస్టర్లు అయ్యాయి.

Manchu Vishnu says no to Srinu Vaitla1

ప్రస్తుతం శ్రీనువైట్లకు కథ చెప్పే ఛాన్స్ కూడా ఇవ్వడం లేదట హీరోలు. పోనిలే మంచు విష్ణుతో ‘ఢీ’ సీక్వెల్ చేద్దాం అనుకున్నాడు. కొన్నాళ్ల పాటు ఈ ప్రాజెక్టు ఉంటుందనే ప్రచారం జరిగింది. స్వయంగా మంచు విష్ణునే ఈ ప్రాజెక్టు నిర్మిస్తాడు అని కూడా టాక్ నడిచింది. కానీ ఇప్పుడు మంచు విష్ణు ఆర్థిక ఇబ్బందుల్లో ఉన్నాడని వినికిడి. అందుకే శ్రీనువైట్లతో సినిమా చెయ్యలేను అని చెప్పాడని టాక్. ఇది నిజమే అయితే శ్రీనువైట్లకు ఉన్న ఒక్క హోప్ కూడా పోయినట్టే..!