ఆడియో ఫంక్షన్ లపై మంచువిష్ణు సెటైర్లు!

హీరోగా టాలీవుడ్ ఎంట్రీ ఇచ్చి పుష్కరకాలం దాటిపోయినా మంచు విష్ణు ఇంకా హీరోగా సెటిల్ కాలేదు అన్నది వాస్తవం. అయితే మంచు ఫ్యామిలీ బ్యాక్ గ్రౌండ్ వల్ల మధ్యమధ్యలో సినిమాలు చేస్తూ జనం తనను మర్చిపోకుండా జాగ్రత్తలు తీసుకుంటున్నాడు. నిఖిల్  హీరోగా నటిస్తున్న ‘ఎక్కడికి పోతావు చిన్నవాడా’ ఆడియో ఫంక్షన్ లో చేసిన కామెంట్స్ అందర్నీ ఆశ్చర్య పరిచాయి.  దీనికి కారణం తనను ఎప్పుడూ ఆడియో వేడుకలకు పిలవొద్దని అంటున్నాడు మంచు విష్ణు.

తనకు తన సినిమాల ఆడియో వేడుకలకు వెళ్లడానికే చాలా మొహమాటమని అలాంటపుడు బయటి ఆడియో వేడుకలంటే మరీ ఇబ్బంది పడతానని అంటూ సెటైర్లు వేసాడు విష్ణు. అంతేకాదు తనకు వేదికలెక్కి మాట్లాడటం పెద్దగారాదని అందువల్ల ఇలాంటి ఫంక్షన్స్  కు వచ్చి ఏమి మాట్లాడకుండా ఉండటం కుదరదు కాబట్టి తనకు ఫంక్షన్స్ అంటే భయం అంటూ జోక్ పేల్చాడు విష్ణు. అంతేకాదు తనకు మంచు ఫ్యామిలీ బ్యాకప్ ఉంది కాబట్టి అవకాశాలు వస్తాయని అయితే ఎటువంటి బ్యాకప్ లేకుండా నిఖిల్ రాజ్ తరుణ్ లాంటి వాళ్ళు కేవలం వాళ్ళ సమర్ధతతో హీరోలుగా నిలదొక్కుకున్నారు అంటూ నిఖిల్ పై ప్రశంసల వర్షం కురిపించాడు ఈ మంచువారి అబ్బాయి.