జనతా గ్యారేజ్ తర్వాత చేసే సినిమా నిర్ణయం తీసుకోవడంలో లేటైనా, దానిని పూర్తి చేసే విషయంలో యంగ్ టైగర్ ఎన్టీఆర్ వేగం చూపిస్తున్నారు. ఎన్టీఆర్ ఆర్ట్స్ బ్యానర్లో నందమూరి కళ్యాణ్ రామ్ నిర్మిస్తున్న ఈ మూవీ ప్రకటన వెలువడినప్పటి నుంచి రోజుకో కొత్త న్యూస్ బయటికి వస్తోంది. బాబీ దర్శకత్వంలో తెరకెక్కనున్న మూవీకి సంగీతదర్శకుడిగా అనిరుధ్ ని ఖరారు చేసిన నిర్మాత, తాజాగా హీరోయిన్లను ఫిక్స్ చేశారు. మూడు వేరియేషన్లో ఎన్టీఆర్ అలరించనున్న ఈ చిత్రంలో ఇద్దరు ముద్దుగుమ్మలు నటించనున్నారు. ప్రధాన కథానాయికగా కాజల్ అగర్వాల్ ని సెలక్ట్ చేశారు.
కొత్త భామలను తీసుకుందామని మొదట్లో అనుకున్నప్పటికీ జనతా గ్యారేజ్ లో ఐటెం సాంగ్ కి ఒప్పుకున్నందుకు కృతజ్ఞతగా తారక్ ఇందులో కాజల్ కి ఛాన్స్ ఇచ్చారు. గతంలో వీరిద్దరూ కలిసి నటించిన బృందావనం, టెంపర్ విజయం సాధించింది. ఇప్పుడు మూడోసారి జోడీ కడుతున్నారు. మరో హీరోయిన్ గా మంజిమ మోహన్ ని ఎంపిక చేశారు. సాహసం శ్వాసగా సాగిపో సినిమాలో అభినయంతో ఆకట్టుకున్న మలయాళ బ్యూటీ ఈ సారి ఎన్టీఆర్ తో రొమాన్స్ చేయనుంది. వచ్చే ఏడాది సంక్రాంతి తరవాత సెట్స్ పైకి వెళ్లనున్న ఈ మూవీని 60 కోట్ల బడ్జెట్ తో చాలా రిచ్ గా తీసేందుకు కళ్యాణ్ రామ్ సిద్ధంగా ఉన్నారు.
Also, do SUBSCRIBE to our YouTube channel to get latest Tollywood updates.
