Varun Tej: వరుణ్‌ పాన్‌ ఇండియా సినిమా హీరోయిన్‌ ఫిక్స్‌

మిస్‌ వరల్ట్‌, మిస్‌ యూనివర్స్‌ అయ్యాక.. బాలీవుడ్‌లోకి ఎంట్రీ ఇవ్వడం అనేది మన దగ్గర ఎప్పుడూ జరిగేదే. అయితే వాళ్లు వెంటనే సినిమాల్లోకి వచ్చి మహారాణులుగా ఏలేస్తుంటారు. అయితే 2017 మిస్‌ యూనివర్స్‌ విషయంలో మాత్రం ఇలా జరగలేదు. మిస్‌ యూనివర్స్‌ అయిన ఐదేళ్ల తర్వాత ఆమె హీరోయిన్‌గా మారింది. మిస్‌ యూనివర్స్‌ వేదిక మీద ఆమె గెలవగానే ‘నెక్స్ట్‌ హీరోయిన్‌’ అనుకున్నారంతా. కానీ ఆమె అంత ఈజీగా సినిమాలు ఓకే చేయలేదు. ఇప్పుడు టాలీవుడ్‌లోకి కూడా వస్తోందని సమాచారం.

యువ కథానాయకుడు వరుణ్‌తేజ్‌ హీరోగా ఓ సినిమా తెరకెక్కుతోంది. యథార్థ సంఘటనల ఆధారంగా, వైమానిక దళం నేపథ్యంలో సాగే కథతో శక్తి ప్రతాప్‌ సింగ్‌ అనే దర్శకుడు సినిమా చేస్తున్నారు. ఇటీవల ఈ సినిమాను అధికారికంగా అనౌన్స్‌ చేశారు కూడా. ప్రస్తుతం సినిమా టీమ్‌ కాస్ట్‌ అండ్‌ క్రూని ఫిక్స్‌ చేసే పనిలో ఉన్నారట. ఈ క్రమంలో సినిమా కథానాయికను ఫిక్స్‌ చేశారు అని చెబుతున్నారు. పాన్‌ ఇండియా స్థాయిలో రూపొందుతున్న కారణంగా హీరోయిన్‌ బాలీవుడ్‌ నుండి అయితే బాగుంటుంది అనుకుంటున్నారట.

ముందుగా చెప్పినట్లుగా అయితే సినిమాను డిసెంబరులో పట్టాలెక్కిస్తారు. ఈ నేపథ్యంలో త్వరలో పూర్తి కాస్ట్‌ అండ్‌ క్రూ వెల్లడిస్తారని టాక్‌. ఇక మానుషి విషయానికొస్తే.. అక్షయ్‌ కుమార్‌ ‘సమ్రాట్‌ పృథ్వీరాజ్‌’ అనే సినిమాతో బాలీవుడ్‌కి పరిచయమైంది. ఈ సినిమా ఆమెకు సరైన పేరును ఇవ్వలేకపోయింది. సినిమా పేలవంగా ఉండటం, ఆ సినిమాలో ఆమె పాత్రకు సరైన వెయిటేజ్‌ లేకపోవడంతో ఆమెకు బాలీవుడ్‌ అవకాశాలు రావడం లేదు.

ఇలాంటి సమయంలో పాన్‌ ఇండియా రేంజిలో రూపొందుతున్న సినిమాలో అవకాశం సంపాదించుకోవడం అంటే పెద్ద విషయమే అని చెప్పాలి. వరుణ్‌ హైట్‌కి ఆమె అయితే సరిపోతుంది అని టీమ్‌ అనుకుంటున్నారట. అలాగే పైలెట్‌ రోల్‌కి ఆమె ఫిజిక్‌ సరిపోతుంది అని కూడా టాక్‌ వినిపిస్తోంది. ఇక యాక్షన్‌ ప్రధానంగా సాగే ఈ సినిమా కోసం వరుణ్‌ తేజ్‌ ప్రత్యేకంగా సన్నద్ధం అవుతున్నాడట.

యశోద సినిమా రివ్యూ& రేటింగ్!
సరోగసి నేపథ్యంలో వచ్చిన సినిమాలు ఏంటంటే..?

‘కె.జి.ఎఫ్’ టు ‘కాంతార’..బాక్సాఫీస్ వద్ద అత్యధిక కలెక్షన్లు రాబట్టిన కన్నడ సినిమాల లిస్ట్..!
నరేష్ మాత్రమే కాదు ఆ హీరోలు కూడా భార్యలు ఉన్నప్పటికీ హీరోయిన్లతో ఎఫైర్లు నడిపారట..!