‘టచ్ చేసి చూడు’ ‘నెల టిక్కెట్’ ‘అమర్ అక్బర్ ఆంటోని’ ‘డిస్కో రాజా’ వంటి వరుస ప్లాపులతో ఇబ్బంది పడుతున్న రవితేజ.. ఎట్టకేలకు ‘క్రాక్’ చిత్రంతో సాలిడ్ హిట్ కొట్టి కంబ్యాక్ ఇచ్చాడు. గోపీచంద్ మలినేని డైరెక్షన్లో తెరకెక్కిన ఈ చిత్రం సంక్రాంతి కానుకగా విడుదలయ్యి బ్లాక్ బస్టర్ గా నిలిచింది. ఈ చిత్రం విజయంతో రవితేజ.. రెట్టింపు ఉత్సాహంతో తాను చెయ్యబోయే తరువాతి సినిమాలను ప్లాన్ చేసుకుంటున్నాడు. ప్రస్తుతం రమేష్ వర్మ డైరెక్షన్లో ‘కిలాడి’ సినిమా చేస్తున్న రవితేజ..
అటు తరువాత త్రినాథ్ రావు నక్కిన డైరెక్షన్లో ఓ మాస్ మూవీని చెయ్యబోతున్నాడు. అటు తరువాత చెయ్యబోయే సినిమాలకు సంబంధించిన కథలను కూడా వింటున్నట్టు సమాచారం. ఇప్పటికే రాంచరణ్ నిర్మాణంలో ‘డ్రైవింగ్ లైసెన్స్’ అనే మలయాళం రీమేక్ లో నటించడానికి రవితేజ గ్రీన్ సిగ్నల్ ఇచ్చినట్టు టాక్ నడుస్తుంది. ఇందులో విజయ్ సేతుపతి కూడా కీలక పాత్ర పోషించనున్నట్టు కూడా కథనాలు వినిపిస్తున్నాయి.మరోపక్క వంశీ పైడిపల్లి డైరెక్షన్లో రవితేజ ఓ చిత్రం చెయ్యబోతున్నట్టు కూడా వార్తలు మొదలయ్యాయి.
ఇటీవల రవితేజను కలిసి వంశీ ఓ కథ వినిపించాడట. వంశీ నెరేట్ చేసిన విధానం రవితేజ బాగా నచ్చిందట. ‘కచ్చితంగా చేద్దాం’ అని సమాధానం ఇచ్చాడని సమాచారం. మరి ఈ ప్రాజెక్టుని రూపొందించే నిర్మాత ఎవరో.. ఎప్పుడు మొదలవుతుందో తెలియాల్సి ఉంది. ‘మహర్షి’ చిత్రానికి రెండు నేషనల్ అవార్డులు రావడంతో చాలా మంది దర్శకులు వంశీ పైడిపల్లితో సినిమాలు చెయ్యడానికి ఇప్పుడు రెడీగా ఉన్నారు.
Most Recommended Video
చావు కబురు చల్లగా సినిమా రివ్యూ & రేటింగ్!
మోసగాళ్ళు సినిమా రివ్యూ & రేటింగ్!
శశి సినిమా రివ్యూ & రేటింగ్!
