రవితేజలో ఎంత మాస్‌ ఎనర్జీ ఉందో కానీ.. సినిమా సినిమాకు క్వింటాల్‌ క్వింటాల్‌ బయటకు వస్తోంది. ఏజ్‌ పెరిగినా ఆయన మాస్‌ గేజ్‌ మాత్రం ఏ మాత్రం తగ్గడం లేదు. మొన్నీమధ్య వచ్చిన ‘ధమాకా’లోనూ తన మాస్‌ మేనరిజమ్స్‌, యాక్షన్‌తో అదరగొట్టేశారు. తాజాగా మరోసారి తన మాస్‌ మేనియా చూపించడానికి సిద్ధమవుతున్నారు. అయితే ఈసారి ఆ మాస్‌ ఫుల్ నెగిటివ్‌లో ఉంటుంది అంటున్నారు. అంటే విలన్‌గా రవితేజ అదరగొట్టే పనిలో బిజీగా ఉన్నాడట.
రవితేజ – సుధీర్ వర్మ కలసి ‘రావణాసుర’ అనే సినిమా చేస్తున్నారు. ఇటీవల షూటింగ్‌ పూర్తి చేసుకున్న ఈ సినిమాను ఏప్రిల్‌లో విడుదల చేసేందుకు రంగం సిద్ధం చేస్తున్నారు. ఆ సినిమాలో రవితేజను రెండు డిఫరెంట్ రోల్స్‌లో చూపిస్తారని సమాచారం. ఒకటి రవితేజకు టైలర్‌ మేడ్‌ అయిన హీరో పాత్ర కాగా, రెండోది రవితేజకు మాత్రమే సాధ్యమయ్యే మాస్‌ విలన్‌ పాత్ర అని అంటున్నారు. ఈ మేరకు రవితేజ మేకోవర్‌ కూడా సూపర్‌గా ఉంటుందని సమాచారం.
విలన్‌ పాత్ర కోసం ప్రోస్థటిక్‌ మేకప్‌ బాగా వాడారు అని తెలుస్తోంది. పాత్రను కూడా ఆ మేకప్‌ నేపథ్యంలోనే రాసుకున్నారట. అంటే ఇతర మనుషుల ముఖాలను ధరించి నేరాలు చేసే పాత్రలో రవితేజను సుధీర్ వర్మ చూపించబోతున్నట్టు వినికిడి. 2019 బెంగాలీలో వచ్చిన ‘విన్సీడా’ అనే సినిమా స్ఫూర్తితో ఈ సినిమా రూపొందిస్తున్నారట. అలాగే ఈ సినిమాలో సుశాంత్ ఓ కీలక పాత్ర చేస్తున్న సంగతి తెలిసిందే. ఈ పాత్ర కూడా ప్రత్యేకంగా నిలుస్తుంది అంటున్నారు.
‘ధమాకా’, ‘వాల్తేరు వీరయ్య’ లాంటి వరుస విజయాలతో ఊపు మీదున్న రవితేజ ఈ సినిమాతో ఆ జోరు కొనసాగించాలని అనుకుంటున్నాడు. అలాగే ఆ తర్వాత ‘ఈగల్’, ‘టైగర్ నాగేశ్వరరావు’ కూడా రెడీ చేస్తున్నారు. అలా వరుస విజయాలతో దూసుకుపోవాలనేది రవితేజ ఆలోచన అట. ‘ధమాకా’కి ముందు రవితేజకు విజయాలు లేక తీవ్రంగా ఇబ్బందులు ఎదుర్కొన్న విషయం తెలిసిందే.
ఫస్ట్‌డే కోట్లాది రూపాయల కలెక్షన్స్ కొల్లగొట్టిన 10 మంది ఇండియన్ హీరోలు వీళ్లే..!
ఆరడగులు, అంతకంటే హైట్ ఉన్న 10 మంది స్టార్స్ వీళ్లే..!
స్టార్స్ కి ఫాన్స్ గా… కనిపించిన 11 మంది స్టార్లు వీళ్ళే
ట్విట్టర్ టాప్ టెన్ ట్రెండింగ్‌లో ఉన్న పదిమంది సౌత్ హీరోలు వీళ్లే..!
