లాక్ డౌన్ తరువాత ఇండియా మొత్తంలో విడుదలవుతున్న బిగ్గెస్ట్ మూవీ మాస్టర్. స్టార్ హీరో విజయ్ నటించిన ఈ సినిమాపై ఈ సారి తమిళ్ లోనే కాకుండా తెలుగులో కూడా భారీ స్థాయిలో అంచనాలు పెరిగాయి. హిందీలో కూడా విడుదలవుతున్న విషయం తెలిసిందే. అయితే సినిమాకు సంబంధించిన కొన్ని సీన్స్ సోషల్ మీడియాలో దర్శనమివ్వడం అందరిని షాక్ కు గురి చేసింది.
ఏడాది క్రితమే సినిమా షూటింగ్ పూర్తికాగా సినిమాను ఎలాగైనా థియేటర్స్ లో విడుదల చేయాలని చిత్ర యూనిట్ ఎంతో జాగ్రత్తగా కాపాడుకుంటూ ఇంతవరకు నెట్టుకొచ్చింది. అయితే సడన్ గా కొన్ని ఇంటర్వెల్ సీన్స్ పైరసీగా మారి సోషల్ మీడియాలో వైరల్ అవ్వడం చిత్ర యూనిట్ ను భయానికి గురి చేసింది. ఇక దర్శకుడు లోకేష్ కనగరాజ్ ఈ విషయంపై అభిమానులను దండం పెట్టి మరి వేడుకున్నాడు.
మాస్టర్ ను మీ ముందుకు తేవడానికి దాదాపు ఒకటిన్నర సంవత్సరం పట్టింది. అందరూ థియేటర్స్ లోనే సినిమాను చూసి ఎంజాయ్ చేస్తారని అనుకుంటున్నాను. ఒకవేళ సినిమాకు సంబంధించిన క్లిప్స్ లీకైతే దయచేసి షేర్ చేయవద్దని చేతులెత్తి మొక్కుతున్నాను అని ట్వీట్ చేసిన లోకేష్.. మరొక్క రోజులో మాస్టర్ మీ సినిమానే అంటూ వివరణ ఇచ్చాడు. ఇక మాస్టర్ తమిళ్ తెలుగులో జనవరి 13న విడుదల అవుతుండగా.. జనవరి 14న హిందీలో రిలీజ్ కానుంది.
1
2
Most Recommended Video
క్రాక్ సినిమా రివ్యూ & రేటింగ్!
ఈ 10 మంది సినీ సెలబ్రిటీలకు తల్లులు వేరైనా తండ్రులు ఒకరే..!
అల్లు అర్జున్ నుండి నాగ చైతన్య వరకు.. అందమైన స్టార్ కాపుల్స్.. సతీమణులే స్పెషల్ ఎట్రాక్షన్!
