ఈ మధ్య వచ్చే సినిమాలలో రన్ టైం ఎక్కువ కాకుండా.. దర్శక నిర్మాతలు చాలా జాగ్రత్తలు తీసుకుంటున్నారు. అందులో భాగంగా కొన్ని సీన్లని డిలీట్ చేసేస్తుంటారు కూడా. ఇప్పుడు మహేష్ బాబు, అనిల్ రావిపూడి కాంబినేషన్లో రాబోతున్న ‘సరిలేరు నీకెవ్వరు’ చిత్రంలో కూడా ఇదే జరుగబోతుందట. అందుతోన్న సమాచారం ప్రకారం.. ఈ చిత్రం రన్ టైం 2 గంటల 48 నిముషాలు వచ్చిందని సమాచారం. అయితే ఈ చిత్రంలో ఎంటర్టైన్మెంట్ ఓ రేంజ్ లో ఉండబోతుందని ఎప్పటినుండో చిత్ర బృందం చెప్పుకొస్తుంది.
ఇదిలా ఉండగా.. ‘సరిలేరు నీకెవ్వరు’ సినిమాలో షకలక శంకర్ కామెడీ ట్రాక్ ఒకటి ఉందట. ఆ ఎపిసోడ్ చాలా బాగా వచ్చిందని.. అయితే అప్పటికే రన్ టైం ఎక్కువై పోవడంతో.. షకలక శంకర్ ట్రాక్ ను తొలగించినట్టు తెలుస్తుంది. ఈ చిత్రంలో కమెడియన్ సత్య కామెడీ ట్రాక్ కూడా ఉందట. ఈ మధ్య విడుదలయ్యి సూపర్ హిట్ అయిన ‘మత్తు వదలరా’ సినిమాలో సత్య కామెడీ బాగా హైలెట్ గా నిలిచింది. దీంతో ‘సరిలేరు నీకెవ్వరు’ లో సత్య ట్రాక్ ను మాత్రం ఉంచారని తెలుస్తుంది. ఇక సినిమా విడుదలైన తర్వాత యూట్యూబ్ లో షకలక శంకర్ డిలీటెడ్ సీన్స్ ను అప్లోడ్ చేసే అవకాశం ఉందని తెలుస్తుంది. అసలు ఈ వార్తలో ఎంత వరకూ నిజముందో ‘సరిలేరు నీకెవ్వరు’ విడుదల తేదీ అయిన జనవరి 11న తెలుస్తుంది.
అతడే శ్రీమన్నారాయణ సినిమా రివ్యూ & రేటింగ్!
తూటా సినిమా రివ్యూ & రేటింగ్!
