రెండుగా చీలిపోయిన మెగా అభిమానులందరూ గత శుక్రవారం పవన్ కళ్యాణ్ కి అండగా అల్లు అర్జున్, రామ్ చరణ్, వరుణ్ తేజ్, సాయిధరమ్ తేజ్ లు కలిసి వచ్చేసరికి ఒక్కసారిగా ఏకమైపోయారు. అప్పట్నుంచి మెగా ఫ్యాన్స్ అందరూ ఒకే తాటిపై నడవడం మొదలెట్టారు. అయితే.. మొన్న జరిగిన “నా పేరు సూర్య” ఆడియో విడుదల వేడుకకు పవన్, చరణ్, అర్జున్ కలిసి రానున్నారని ప్రచారం జరిగినప్పటికీ.. అల్లు అర్జున్ ఒక్కడే మిలటరీ మాధవరంలో జరిగిన “నా పేరు సూర్య” ఈవెంట్ కి వచ్చాడు.
అయితే.. ఏప్రిల్ 29న హైద్రాబాద్ లోని గచ్చిబౌలి స్టేడియంలో నిర్వహించనున్న “నా పేరు సూర్య” ప్రీ రిలీజ్ ఈవెంట్ కి రామ్ చరణ్ చీఫ్ గెస్ట్ గా రానున్నాడని తెలుస్తోంది. నాగబాబు, రామ్ చరణ్, అల్లు అర్జున్ లు చాలా రోజుల తర్వాత ఒక పబ్లిక్ స్టేజ్ మీద కనిపించనున్నారు. ఇకపోతే.. మే 4న విడుదలవుతున్న “నా పేరు సూర్య”లో అల్లు అర్జున్ సరసన అను ఎమ్మాన్యూల్ కథానాయికగా నటిస్తుండగా.. వక్కంతం వంశీ దర్శకత్వం వహిస్తున్నాడు. ఈ సినిమాపై భారీ అంచనాలున్నాయి.
