సినిమాల్లో మంచి ఊపు మీదున్న సమయంలోనే ఓటీటీల్లోకి వస్తున్నారు మన కథానాయికలు, యంగ్‌ హీరోలు. కొంతమంది స్టార్‌ హీరోలు కూడా ఈ దిశగా అడుగులు వేశారు. ఇంకొందరు ఇదే పనిలో ఉన్నారు. ఆ లిస్ట్‌లోకి మెగాస్టార్‌ చిరంజీవి (Chiranjeevi) కూడా వచ్చారా? ఏమో ఆయన మాటలు వింటుంటే అలానే అనిపిస్తోంది. ధనుష్‌ (Dhanush) – నాగార్జున (Nagarjuna) ‘కుబేర’ (Kuberaa) సినిమా సక్సెస్‌ మీట్‌కి వచ్చిన చిరంజీవి ఈ మేరకు కొన్ని ఆసక్తికర వ్యాఖ్యలు చేశారు. తాను కూడా ఓటీటీలోకి ఎంట్రీ ఇచ్చేందుకు సిద్ధమేనన్నారు చిరంజీవి.
దీంతో ఆయన వ్యాఖ్యలు ఇప్పుడు సోషల్‌ మీడియాలో వైరల్‌గా మారాయి. ఈ క్రమంలో నాగార్జున (Nagarjuna) గురించి కూడా కొన్ని ఆసక్తికర కామెంట్స్‌ చేశారు చిరంజీవి (Chiranjeevi). నాగార్జున తనకు ఎన్నో విషయాల్లో స్ఫూర్తిన్నిస్తుంటాడని చెప్పారు. నాగ్‌ గురించి చూస్తే అతని ఆరోగ్యం, నడవడిక, ఆలోచనల ఇలా చాలా నచ్చుతాయి. ఏం జరిగినా ప్రశాంతంగా ఉంటాడు అని నాగార్జునను మెచ్చుకున్నారు చిరంజీవి. గతంలో కూడా చిరంజీవి ఇలా మాట్లాడారు. చాలా విషయాల్లో నాగ్‌ సూచనలు అడుగుతాను అని చెప్పారు.
ఈ క్రమంలో ఓటీటీల ప్రస్తావన వచ్చింది. ఓటీటీలో సినిమాలు చేయాల్సి వచ్చినా తాను రెడీ అని, దాని కోసం ఇప్పటి నుండే మానసికంగా సిద్ధంగా ఉండాలి అని అనుకుంటున్నా అని చెప్పారు చిరంజీవి (Chiranjeevi). ఈ విషయంలోనూ నాగార్జున నిర్ణయం తనకు స్ఫూర్తి అని చెప్పారు. అలా అని ఓటీటీకి ఓకే అన్నాను కదా అని రేపు ఉదయాన్నే స్క్రిప్ట్‌లు తీసుకొని వచ్చేయకండి అంటూ సరదాగా కామెంట్‌ చేశారు చిరంజీవి.
అయితే చిరంజీవి (Chiranjeevi) ఏ కామెంట్‌ను సరదాగా చేసే రకం కాదు. ఏదైనా విషయంలో నాలుగు అడుగులు వేశాకే దాని గురించి బయట చెబుతారు.ఆ లెక్కన ఇప్పుడు ఓటీటీ విషయంలోనూ అదే స్టైల్‌ను ఫాలో అయి ఉంటారు అని చెప్పొచ్చు. మరోవైపు సీనియర్‌ హీరోలు వరుసగా ఓటీటీ ప్రేక్షకులకు దగ్గరవుతున్నారు. బాలకృష్ణ (Balakrishna) ‘అన్‌స్టాపబుల్‌’ టాక్‌ షో చేశారు. ‘రానా నాయుడు’తో వెంకటేశ్‌ (Venkatesh) అలరించారు. నాగార్జున కూడా ఓ ప్లాన్‌ చేస్తున్నారు అని సమాచారం. ఇప్పుడు చిరంజీవి (Chiranjeevi) కూడా ఈ ప్రయత్నం చేస్తా, చేయడానికి రెడీ అంటున్నారు.
Home