చిన్ననాటి సావిత్రిగా నటించనున్న మోహన్ బాబు మనమరాలు

అభినేత్రి సావిత్రి బయోపిక్ మూవీ ‘మహానటి’ షూటింగ్ వేగంగా జరుగుతోంది. “ఎవడే సుబ్రహ్మణ్యం” సినిమాతో విమర్శకుల ప్రశంసలను అందుకున్న దర్శకుడు నాగ్ అశ్విన్ ఈ చిత్రాన్ని తెరకెక్కిస్తుండగా.. ప్రముఖ నిర్మాత అశ్వినీదత్ కుమార్తె స్వప్న దత్ ‘స్వప్న సినిమా’ పతాకంపై ఈ చిత్రాన్ని నిర్మిస్తున్నారు. సావిత్రి పాత్రలో కీర్తి సురేష్ నటిస్తుండగా మరొక స్టార్ హీరోయిన్ సమంత కథలో కీలక పాత్ర పోషిస్తున్నారు. ఇందులో చిన్నప్పటి సావిత్రిగా నటించే చిన్నారి కోసం డైరక్టర్ వెతుకుతున్నారు. ఆ రోల్ లో తన కూతురు విద్యా నిర్వాణను నటింపచేయించడానికి మంచు లక్ష్మి ప్రయత్నిస్తున్నారు. మూడేళ్లు కూడా నిండని ఈ చిన్నారి ఇప్పటికే పలు అవార్డు వేదికలపై సందడి చేసింది. కొంచెం కూడా బెదరకుండా వందల కెమెరాల ముందు నిలబడి ఫోజులిచ్చింది.

ఇక నటనను ఈ చిత్రంలో చూపించడానికి సిద్ధంగా ఉంది. తెలుగు, తమిళ, మలయాళ భాషల్లో ఒకేసారి తెరకెక్కుస్తున్న ఈ సినిమాలో మాలీవుడ్ స్టార్ హీరో దుల్కర్ సల్మాన్, సావిత్రి భర్త జెమినీ గణేశన్ పాత్రలో కనిపించనున్నాడు. విజయ్ దేవరకొండ మరో హీరో రోల్ చేస్తున్నారు.  మిక్కీ జె మేయర్ సంగీతమందిస్తున్న ఈ చిత్రానికి హాలీవుడ్ కెమెరామెన్ డాని పనిచేస్తుండడం విశేషం. అలనాడు ఓ వెలుగు వెలిగిన సావిత్రి జీవితంలోని కొత్త విషయాలను తెలుసుకోవాలని అందరూ ఎదురుచూస్తున్నారు.

Also, do SUBSCRIBE to our YouTube channel to get latest Tollywood updates.