పెద్ద టార్గెట్.. కాజల్ సపోర్ట్… వర్కౌట్ అవుతుందా..!

మంచు విష్ణు, కాజల్ అగర్వాల్ ప్ర‌ధాన పాత్ర‌ల్లో రూపొందిన చిత్రం ‘మోసగాళ్లు’. జెఫ్రీ గీ చిన్ డైరెక్షన్లో తెరకెక్కిన ఈ చిత్రానికి ‘ఖైదీ’ ఫేమ్ సామ్.సి.ఎస్ సంగీతం అందించాడు. ఒకప్పటి బాలీవుడ్ హీరో సునీల్ శెట్టి కూడా ఈ చిత్రంలో కీలక పాత్ర పోషించాడు. వరల్డ్ లోనే అతి పెద్ద ఐటి స్కామ్ ను ఆధారం చేసుకుని ఈ చిత్రం రూపొందింది. మార్చి 19న ఈ చిత్రం విడుద‌లకాబోతుంది.ఈ మధ్య కాలంలో మంచు విష్ణు నటించిన సినిమాలు ఏమీ హిట్ అవ్వలేదు.

కానీ ఈ చిత్రంలో స్టార్ హీరోయిన్ కాజల్ నటిస్తుంది కాబట్టి కొద్దిపాటి అంచనాలు నెలకొన్నాయి. ఇక ట్రైలర్ కూడా ఆసక్తికరంగా ఉండడంతో.. ప్రేక్షకులు ఈ చిత్రాన్ని చూడడానికి ఇంట్రెస్ట్ చూపిస్తున్నారు. ఇదిలా ఉండగా.. ఈ చిత్రానికి రూ.50కోట్ల వరకూ బడ్జెట్ పెట్టారట. ’24 ఫ్రేమ్స్ ఫ్యాక్టరీ’ బ్యానర్ పై మంచు విష్ణునే ఈ చిత్రాన్ని నిర్మించాడు. అయితే నాన్- థియేట్రికల్ రైట్స్ రూపంలోనే ఈ చిత్రం రూ.30కోట్ల వరకూ రికవరీ సాధించిందట.

అంటే థియేట్రికల్స్ పరంగా రూ.20కోట్ల షేర్ ను ఈ చిత్రం రాబట్టాలి. సినిమా మొత్తం మంచు విష్ణునే ఓన్ రిలీజ్ చేసుకుంటున్నాడని ట్రేడ్ పండితుల సమాచారం. అయినప్పటికీ ఏమాత్రం ఫామ్లో లేని విష్ణు సినిమా రూ.20కోట్లు రాబట్టడం అనేది సాధారణ విషయం అయితే కాదు. ఎంత హిట్ టాక్ వచ్చినా.. పోటీగా సినిమాలు చాలా ఉన్నాయి కాబట్టి.. ఏదో అద్భుతం జరిగితే తప్ప బ్రేక్ ఈవెన్ అవ్వడం కష్టమనే చెప్పాలి.

Most Recommended Video

శ్రీకారం సినిమా రివ్యూ & రేటింగ్!
జాతి రత్నాలు సినిమా రివ్యూ & రేటింగ్!
గాలి సంపత్ సినిమా రివ్యూ & రేటింగ్!