అల్లు అర్జున్ – అట్లీ సినిమాలో నలుగురైదుగురు హీరోయిన్లు ఉంటారని చాలా రోజుల నుండి వార్తలొస్తున్నాయి. అందులో దీపిక పడుకొణె గురించి మాత్రమే టీమ్ అధికారికంగా అనౌన్స్ చేసింది. మిగిలిన పేర్లన్నీ అనధికారికంగా, పుకార్ల రూపంలో తిరుగుతున్నాయి. అలా తిరుగుతున్న పేర్లలో మృణాల్ ఠాకూర్ ఒకటి. ఆమె కూడా ఈ సినిమాలో నటిస్తోంది అని చెబుతూనే ఉన్నారు. అయితే అటు మృణాల్ కానీ, ఇటు సినిమా టీమ్ కానీ ఏదో విషయం అధికారికంగా చెప్పడం లేదు. కాన లీక్ అయితే ఇస్తోంది మృణాల్.
తాజాగా మరోసారి మీడియాతో మాట్లాడుతు బన్నీ సినిమాలో నటిస్తున్నాను అని చెప్పకనే చెప్పింది. నిజానికి కొన్ని రోజుల క్రితం బన్నీ కూడా ఇలానే లీక్ ఇచ్చాడు. చిన్నగా కన్నుకొట్టి ఎప్పటికైనా ఇద్దరం కలసి పని చేయాలి అని అన్నాడు. ఇప్పుడు మృణాల్ దగ్గర అల్లు అర్జున్ టాపిక్ తీసుకొస్తే.. గత కొన్ని రోజులుగా బన్నీ సినిమా వార్తల వస్తున్నాయి. కానీ ఏం జరుగుతుందో చూడాలి. ‘పుష్ప’ సినిమా తర్వాత అల్లు అర్జున్ నటించిన అన్ని సినిమాలు, డ్యాన్స్, రిథమ్ చూశా. ఇప్పుడు ఆయనకి పెద్ద అభిమానిని అయిపోయా. ఆయనతో రెండుసార్లు మాట్లాడా అని చెప్పింది.
దీంతో సినిమా కోసం కాకపోతే ఇంకెందుకు మాట్లాడారు.. ఏ లుక్ టెస్ట్కి వెళ్లినప్పుడు మాట్లాడి ఉంటారు అని చెప్పొచ్చు. ఈ మాటల నేపథ్యంలో ఎందుకిలా టీజ్ చేయడం ఓ క్లారిటీ ఇచ్చేయొచ్చుగా అని అంటున్నారు నెటిజన్లు. ఆగస్టులో ఆమె పుట్టిన రోజు ఉందిగా అప్పుడేమైనా చెబుతారేమో. ఇక బన్నీ కన్ను కొట్టిన సంగతి చూస్తే.. కొన్ని రోజుల క్రితం మృణాల్ ఠాకూర్ తనకు శుభాకాంక్షలు చెబుతూ ఓ ఫ్లవర్ బొకే, గ్రీటింగ్ కార్డు పంపిందనే విషయాన్ని చెబుతూ అల్లు అర్జున్ తన ఇన్స్టాగ్రామ్లో ఓ పోస్ట్ పెట్టాడు.
వాటిని పంపించినందుకు థ్యాంక్స్ చెబుతూ పోస్ట్ ‘నీతో ఏదో ఒక రోజు కలసి పని చేస్తా’ అని రాసుకొచ్చాడు. అక్కడి వరకు ఓకే.. ఆ తర్వాత కన్నుకొట్టిన ఎమోజీ పెట్టాడు. మామూలుగా అయితే సరదాగా కన్ను కొట్టాడు అనుకోవచ్చు. కానీ అట్లీతో బన్నీ చేస్తున్న సినిమాలో మృణాల్ నటిస్తోందని వార్తలు వచ్చిన నేపథ్యంలో అలా కన్ను కొట్టడం ‘ఆ సినిమాలో ఆమె ఉందని’ చెప్పడమే అంటున్నారు నెటిజన్లు. కావాలనే బన్నీ అలా టీజ్ చేశాడు అనేది వారి డౌట్.
