Mrunal Thakur: విజయ్ దేవరకొండ అలా బిహేవ్ చేస్తారన్న మృణాల్.. ఏం చెప్పారంటే?

టాలీవుడ్ ప్రముఖ హీరోలలో ఒకరైన విజయ్ దేవరకొండను (Vijay Devarakonda)  యువత ఎంతగానో అభిమానిస్తారని ప్రత్యేకంగా చెప్పాల్సిన అవసరం లేదు. విజయ్ దేవరకొండతో ఒకసారి పని చేసిన హీరోయిన్లు మళ్లీమళ్లీ పని చేయడానికి ఆసక్తి చూపుతారనే సంగతి తెలిసిందే. ఫ్యామిలీ స్టార్ (Family Star) సినిమాలో విజయ్ కు జోడీగా నటించిన మృణాల్ ఠాకూర్ (Mrunal Thakur) విజయ్ దేవరకొండ జెన్యూన్, కామ్ అని కామెంట్లు చేయగా ఆ కామెంట్లు నెట్టింట వైరల్ అవుతున్నాయి. విజయ్ దేవరకొండ సెట్స్ లో కామ్ గా, కూల్ గా ఉంటారని మృణాల్ ఠాకూర్ చెప్పుకొచ్చారు.

విజయ్ జెన్యూన్ అని ఆమె చెప్పుకొచ్చారు. సన్నివేశాల్లో నటించే సమయంలో విజయ్ దేవరకొండ క్రమశిక్షణతో వ్యవహరిస్తారని ఆమె తెలిపారు. విజయ్ దేవరకొండ రౌడీ స్టార్ కాదని అలాగే ఫ్యామిలీ స్టార్ కూడా కాదని మృణాల్ ఠాకూర్ చెప్పుకొచ్చారు. విజయ్ గురించి మృణాల్ చేసిన కామెంట్స్ నెటిజన్లను ఆకట్టుకుంటున్నాయి. మృణాల్ ఠాకూర్ ఎంతో టాలెంటెడ్ నటి అని ఆమె రేంజ్ కు తగ్గ విజయాలు ఈ సినిమాతో దక్కుతాయని నెటిజన్లు కామెంట్లు చేస్తున్నారు.

ఫ్యామిలీ స్టార్ మూవీ హిట్ గా నిలిస్తే విజయ్, మృణాల్ ఠాకూర్ కాంబినేషన్ లో మరికొన్ని సినిమాలు వచ్చే అవకాశాలు అయితే ఉంటాయని చెప్పవచ్చు. ఫ్యామిలీ స్టార్ మూవీ బడ్జెట్ విషయంలో ఏ మాత్రం రాజీ పడలేదని భోగట్టా. విజయ్ దేవరకొండ వరుస సినిమాలలో నటిస్తూ క్రేజ్ ను మరింత పెంచుకుంటున్నారు.

కొత్త డైరెక్టర్ల డైరెక్షన్ లో నటించడం కంటే అనుభవం ఉన్న డైరెక్టర్ల డైరెక్షన్ లో నటించాలని విజయ్ దేవరకొండ భావిస్తున్నారని తెలుస్తోంది. ఎంతోమంది హీరోలకు తన బ్యానర్ సినిమాల ద్వారా హిట్ ఇచ్చిన దిల్ రాజు (Dil Raju)  విజయ్ దేవరకొండకు ఏ రేంజ్ హిట్ ఇస్తారో చూడాలి.