బాలీవుడ్ లో కెరీర్ మొదలుపెట్టిన మృణాల్ ఠాకూర్ కి అందం, అభినయం ఉన్నా.. క్రేజ్ మాత్రం రాలేదు. ఆమె నటించిన సినిమాలేవీ పెద్దగా వర్కవుట్ కాలేదు. సరైన అవకాశాల కోసం ఎదురుచూస్తోన్న సమయంలో ఈ బ్యూటీకి తెలుగులో ‘సీతారామం’ అనే సినిమాలో నటించే ఛాన్స్ వచ్చింది. ఈ సినిమాతో తెలుగులో సూపర్ హిట్ అందుకుంది మృణాల్. సినిమాలో ఆమె అందానికి అభిమానులు ఫిదా అయిపోయారు. సీత పాత్రలో ఆమె పెర్ఫార్మన్స్ కి ప్రతి ఒక్కరూ కనెక్ట్ అయ్యారు.
దీంతో మృణాల్ కి టాలీవుడ్ లో అవకాశాలు పెరిగాయి. కానీ ఆమె మాత్రం ఆచితూచి సినిమాలు ఒప్పుకుంటుంది. రీసెంట్ గా నాని30 సినిమాలో అవకాశాన్ని దక్కించుకుంది. అలానే రామ్ చరణ్-బుచ్చిబాబు కాంబినేషన్ లో తెరకెక్కనున్న సినిమాలో మృణాల్ ని హీరోయిన్ గా అనుకుంటున్నారు. అదే జరిగితే ఆమె టాప్ హీరోయిన్స్ లిస్ట్ లో చేరడం ఖాయం. ఈ సంగతి పక్కన పెడితే.. తాజాగా బాలీవుడ్ లో రిలీజైన ‘సెల్ఫీ’ సినిమాలో మృణాల్ ఠాకూర్ ఒక స్పెషల్ సాంగ్ చేసింది.
అక్షయ్ కుమార్ తో ఆడిపాడింది. సినిమాకి ప్లాప్ టాక్ రావడంతో.. మృణాల్ స్పెషల్ సాంగ్ ని ఎవరూ పట్టించుకోలేదు. దీంతో సినిమాలో మృణాల్ క్యామియో వేస్ట్ అయిపోయింది. ఈ సినిమా హిట్ అయితే బాలీవుడ్ లో అవకాశాలు పెరుగుతాయని భావించిన మృణాల్ కి ఇదొక చేదు అనుభవంగా మిగిలిపోయింది. బాలీవుడ్ టాప్ టెన్ డిజాస్టర్స్ లో ఈ సినిమా ఒకటిగా నిలిచే ఛాన్స్ ఉంది.
ఇకనైనా.. మృణాల్ టాలీవుడ్ పై దృష్టి పెడితే.. ఇక్కడ టాప్ లీగ్ లోకి చేరుకునే అవకాశం ఉంది. ప్రస్తుతం ఈ బ్యూటీ హిందీలో నటించిన ‘గుంరాహ్’, ‘పూజా మేరీ జాన్’, ‘పిప్పా’ వంటి సినిమాలు విడుదలకు సిద్ధంగా ఉన్నాయి. ఈ సినిమాలు ఆమెకి ఎలాంటి సక్సెస్ ని తీసుకొస్తాయో చూడాలి!
సార్ సినిమా రివ్యూ & రేటింగ్!
‘గజిని’ మూవీ మిస్ చేసుకున్న హీరోలు ఎవరంటే?
టాప్ 10 రెమ్యూనరేషన్ తెలుగు హీరోలు…ఎంతో తెలుసా ?
కళ్యాణ్ రామ్ నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?
Home