ఎన్టీఆర్ ఆల్రెడీ బుల్లితెర ప్రేక్షకులను కూడా అలరించాడు. ‘బిగ్ బాస్’ రియాలిటీ షో తెలుగు ప్రేక్షకులకి అంతలా చేరువయ్యింది అంటే అది ఎన్టీఆర్ వల్లనే అనడంలో సందేహం లేదు. ఆ తర్వాత మళ్ళీ ‘బిగ్ బాస్’ షోని హోస్ట్ చేయలేదు ఎన్టీఆర్. అయితే ‘మీలో ఎవరు కోటీశ్వరులు’ షోతో మళ్ళీ బుల్లితెర ప్రేక్షకులను అలరించడానికి రెడీ అవుతున్నాడు ఎన్టీఆర్. ఆగష్ట్ 15 నుండీ ఈ షో ప్రారంభం కానుంది. జెమినీ టీవీలో ఇది ప్రసారం కాబోతుంది.
‘ఆర్.ఆర్.ఆర్’ కు సంబంధించి ఓ కీలక షెడ్యూల్ కోసం జార్జియాకి వెళ్లే ముందే ఎన్టీఆర్.. ‘ఎవరు మీలో కోటీశ్వరులు’ షో షూటింగ్లో పాల్గొన్నాడట. అంటే ఆల్రెడీ షో నిర్వాహకుల దగ్గర కొన్ని ఎపిసోడ్ లకు సంబంధించిన ఫుటేజ్ ఉందన్న మాట. ఇక ఆగష్ట్ నెలాఖరు లేదా సెప్టెంబర్ నుండీ ఈ షోలో ‘ఆర్.ఆర్.ఆర్’ సెలబ్రిటీలు కూడా ఎంట్రీ ఇచ్చి కాసేపు సందడి చేసి వెళ్తారట. రాజమౌళి, రామా రాజమౌళి, నిర్మాత దానయ్య, హీరోయిన్లు అలాగే మరో హీరో చరణ్ వంటి వారు ఈ షోలో మెరుస్తారని తెలుస్తుంది.
అంటే ‘ఆర్.ఆర్.ఆర్’ ప్రమోషన్లు ఈ షోతోనే మొదలుకాబోతున్నాయన్న మాట.కొద్దిరోజులుగా అయితే ఈ షోకి సంబంధించిన మొదటి ఎపిసోడ్ లో చరణ్ పాల్గొంటాడని ప్రచారం జరుగుతుంది.దీని పై స్పష్టత రావాల్సి ఉంది. ఏమైనా ‘ఆర్.ఆర్.ఆర్’ టీం ఎన్టీఆర్ షోని ప్రమోషన్స్ కు వాడుకోవాలని గట్టిగా ఫిక్స్ అయినట్టు మాత్రం స్పష్టమవుతుంది.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
Home