Mukku Avinash: ఆ కారణం వల్లే బిడ్డ మరణించింది.. జబర్దస్త్ అవినాష్ ఎమోషనల్ కామెంట్స్!

జబర్దస్త్ కమెడియన్ ముక్కు అవినాష్ (Mukku Avinash) గురించి మనందరికీ తెలిసిందే. జబర్దస్త్ షోలో తనదైన శైలిలో కామెడీ చేసి ప్రేక్షకులను కడుపుబ్బ నవ్వించారు అవినాష్. జబర్దస్త్ షో ద్వారానే బాగా పాపులర్ అయ్యారు. తన కామెడీ టైమింగ్ తో ప్రేక్షకులను అలరించడంతో పాటు అప్పుడప్పుడు వెండితెరపై సినిమాలలో కూడా మెరుస్తూ ఉంటాడు. అయితే మొన్నటి వరకు జబర్దస్త్ షోలో కామెడీ చేస్తూ ప్రేక్షకులను అలరించిన అవినాష్ ప్రస్తుతం జబర్దస్త్ షో కి దూరమైన విషయం తెలిసిందే. ప్రస్తుతం శ్రీముఖి (Sreemukhi) యాంకర్ గా వ్యవహరిస్తున్న స్టార్ మా విత్ పరివారం అనే షోలో చేస్తున్నాడు.

ఇకపోతే 2021లో ముక్కు అవినాష్ వివాహ బంధంలోకి అడుగుపెట్టాడు. అనూజ అనే అమ్మాయిని పెళ్లి చేసుకున్నాడు. అయితే అంతా సవ్యంగా జరిగి ఉంటే ఇప్పటికే ముక్కు అవినాష్ దంపతులు తల్లిదండ్రులు అయ్యేవారు. కానీ అవినాష్, అనూజ జీవితంలో విషాదం చోటు చేసుకుంది. అవినాష్ సతీమణి గర్భవతి కావడం.. తన బేబీ బంప్ ఫొటోస్ ని సోషల్ మీడియాలో షేర్ చేయడం చూశాం. తల్లి దండ్రులు అయ్యే క్షణం కోసం ఎదురు చూస్తున్న తరుణంలో ఊహించని పిడుగు లాంటి సంఘటన జరిగింది.

గర్భంలోనే శిశువు మరణించింది. అది కూడా డెలివరీకి ఒక్కరోజు ముందు. ఈ సంఘటన గురించి తాజాగా ఇంటర్వ్యూలో ముక్కు అవినాష్ భావోద్వేగానికి గురవుతూ తెలిపారు. నేను షూటింగ్ లో ఉండగా ఫోన్ వచ్చింది. ఆసుపత్రికి వెళితే బిడ్డ ఉమ్మ నీరు తాగి మారణించిందని డాక్టర్ తెలిపారు. బేబీకి హార్ట్ బీట్ లేదని తేల్చారు. దీనితో ఏం చేయాలో అర్థం కాలేదు. నేను ఎలా బిహేవ్ చేస్తున్నానో కూడా నా కంట్రోల్ లో లేదు. ఆ సమయంలో డాక్టర్ కాళ్లపై పడి ఎలాగైనా బిడ్డని బతికించండి అని వేడుకున్నాను.

హార్ట్ బీట్ లేకుంటే ఎవరైనా ఏం చేయగలం అని డాక్టర్ అన్నారు. ఆ బాధలో రోడ్లపై పిచ్చోడిలా తిరిగాను. నేను నానా భార్య ఎన్నో కలలు కన్నాము. కానీ ఫస్ట్ ప్రెగ్నన్సీ ఇలా జరగడంతో ఒక్కొక్కరు ఒక్కోలా చెబుతున్నారు. నేను నా భార్య అయితే జాగ్రత్తగానే ఉన్నాం అని ముక్కు అవినాష్ తెలిపాడు. బాబు పుడితే ఏ పేరు పెట్టాలి, పాప పుడితే ఏ పేరు పెట్టాలి అని నేను నా భార్య రోజూ సంతోషంగా కలలు కనేవాళ్ళం. నా భార్య అయితే బిడ్డ గురించి చాలా ఊహించుకుంది. ఆమె ఇప్పటికి రాత్రిళ్ళు ఏడుస్తూనే ఉంది అని అవినాష్ చెబుతూ ఎమోషనల్ అయ్యారు.