సూపర్ స్టార్ మహేష్ బాబు మేనల్లుడు అశోక్ గల్లా ‘హీరో’ సినిమాతో డెబ్యూ ఇచ్చాడు.శ్రీరామ్ ఆదిత్య డైరెక్ట్ చేసిన ఆ సినిమా 2022 సంక్రాంతికి రిలీజ్ అయ్యి పాజిటివ్ టాక్ తెచ్చుకుంది కానీ బాక్సాఫీస్ వద్ద ఆశించిన స్థాయిలో సక్సెస్ కాలేదు. అయినా గల్లా జయదేవ్ పాస్ మార్కులు వేయించుకున్నాడు. ఇప్పుడు రెండో సినిమాగా ‘దేవకీ నందన వాసుదేవ’ చేస్తున్నాడు. ‘లలితాంబిక ప్రొడక్షన్స్’ బ్యానర్ పై ఎన్ఆర్ఐ (ఫిల్మ్ డిస్ట్రిబ్యూటర్) సోమినేని బాలకృష్ణ ఈ చిత్రాన్ని నిర్మిస్తున్నారు.
‘నల్లపనేని యామిని’ సమర్పకులుగా వ్యవహరిస్తున్నారు. ‘గుణ 369’ ఫేమ్ అర్జున్ జంధ్యాల ఈ చిత్రానికి దర్శకుడు కాగా స్టార్ రైటర్ బుర్రా సాయి మాధవ్ డైలాగ్స్ అందించారు. ఈరోజు టైటిల్ అనౌన్స్ చేయడంతో పాటు టీజర్ ను కూడా విడుదల చేసింది చిత్ర బృందం. 1:38 నిమిషాల నిడివి కలిగిన ఈ సినిమా టీజర్.. ‘నీ బిడ్డకు మరణ గండం…లేదా అతని చేతిలో మరొకరికి మరణం…” అనే వాయిస్ ఓవర్ తో మొదలైంది.
తర్వాత ‘ధర్మ సంస్థాపనార్థాయ సంభవామి యుగే యుగే… యుగమేదైనా… ఏ కాలంలోనైనా… ఈ భూమి మీద దేవుడి కంటే రాక్షసుడే ముందు పుడతాడు… వాడిని చంపడానికి దేవుడూ పుడతాడు” అనే డైలాగ్ తో మొదటి డైలాగ్ కి జస్టిఫికేషన్ అలాగే హీరో లక్ష్యం ఏంటనేది తెలియజేసింది. ఈ టీజర్ చాలా ఇంటెన్స్ గా ఉంది. గల్లా జయదేవ్ లుక్స్ ఈ సినిమాకి ఇంకా బెటర్ అయ్యాయి అని చెప్పొచ్చు.
ఈ సినిమాకి ‘హనుమాన్’ దర్శకుడు ప్రశాంత్ వర్మ కథ అందించగా మంచి ఫామ్లో ఉన్న మ్యూజిక్ డైరెక్టర్ భీమ్స్ సంగీతం అందించాడు. మహేష్ బాబు నటించిన ‘మురారి’ రేంజ్లో (Devaki Nandana Vasudeva) ‘దేవకీ నందన వాసుదేవ’ ఉంటుంది అని సంగీత దర్శకుడు భీమ్స్ తెలిపారు.
ఈ ఏడాది ప్రేక్షకుల్ని ఆకట్టుకున్న తెలుగు సినిమాలు!
ఈ ఏడాది వచ్చిన 10 రీమేక్ సినిమాలు… ఎన్ని హిట్టు.. ఎన్ని ఫ్లాప్?
ఈ ఏడాది ప్రేక్షకులు తలపట్టుకొనేలా చేసిన తెలుగు సినిమాలు!
