Mahith Narayan: ఆమె ఆస్తుల అమ్ముకొని వెళ్లిపోయి హ్యాపీగా ఉంది!

March 31, 2023 / 05:32 PM ISTByFilmy Focus

Join Us

Mahith Narayan: ఆమె ఆస్తుల అమ్ముకొని వెళ్లిపోయి హ్యాపీగా ఉంది!

తెలుగు సినిమా ఇండస్ట్రీలో సంగీత దర్శకుడిగా ఎంతో పేరు ప్రఖ్యాతలు సంపాదించుకున్నటువంటి వారిలో చక్రి ఒకరు. ఈయన సంగీత సారథ్యంలో వచ్చిన ఎన్నో సినిమాలు సూపర్ డూపర్ హిట్ అందుకున్నాయి. ముఖ్యంగా పూరి జగన్నాథ్ దర్శకత్వంలో వచ్చే సినిమాలకు చక్రీ ఎక్కువగా సంగీతం అందించేవారు ఇలా పూరి జగన్నాథ దర్శకత్వంలో వచ్చిన ఇడియట్ అమ్మ నాన్న ఓ తమిళమ్మాయి దేశముదురు వంటి సినిమాలకు అద్భుతమైన సంగీతం అందించారు. ఇలా ఇండస్ట్రీలో సంగీత దర్శకుడుగా ఎంతో పేరు ప్రఖ్యాతలు సంపాదించుకున్నటువంటి చక్రి 2014వ సంవత్సరంలో గుండెపోటుతో అకస్మాత్తుగా మరణించారు.

ఇలా చక్రి మరణించిన తర్వాత ఇండస్ట్రీకి తానులేని లోటు స్పష్టంగా కనబడుతుంది. అలాగే తన కుటుంబంలో కూడా చక్రి మరణం తర్వాత ఎన్నో వివాదాలు చోటు చేసుకున్న విషయం మనకు తెలిసిందే. అప్పట్లో ఈ వార్తలు పెద్ద ఎత్తున సంచలనంగా మారాయి. ఇకపోతే తాజాగా చక్రి సోదరుడు మహిత్ నారాయణ ఒక యూట్యూబ్ ఛానల్ ఇంటర్వ్యూలో పాల్గొన్నారు. ఈ సందర్భంగా మహిత్ తన కుటుంబం గురించి పలు ఆసక్తికరమైన విషయాలను తెలియచేశారు.

అన్నయ్య ఉన్నప్పుడు తన కుటుంబంలో ఎలాంటి విభేదాలు సమస్యలు లేవని అందరం చాలా సంతోషంగా ఉండే వాళ్ళమని తెలిపారు. ఇక ఎప్పుడైతే అన్నయ్య మరణించారో అప్పుడే మా ఇంట్లో సమస్యలు ఆస్తి విభేదాలు తలెత్తాయని తెలియజేశారు. అన్నయ్య లేరని ఒకవైపు, మరోవైపు ఆస్తి తగాదాల వల్ల నరకం అనుభవించామని తెలిపారు. ఇక అన్నయ్య మరణం తర్వాత తన భార్య ఆస్తులను అమ్మేసుకొని వెళ్ళిపోయిందని, ఆమె అమెరికా వెళ్ళిన తర్వాత అక్కడే మరొక వివాహం చేసుకొని చాలా హ్యాపీగా ఉందని తెలిపారు.

అయితే ప్రస్తుతం ఆమెతో మాకు ఏ విధమైనటువంటి సంబంధాలు లేవని (Mahith Narayan) మహిత్ నారాయణ ఈ సందర్భంగా తెలిపారు. మహిత్ నారాయణ సైతం ప్రవేట్ ఆల్బమ్స్ చేస్తూ ఉండేవారు. ఇక ప్రస్తుతం ఈయన పరారీ అనే సినిమాకు సంగీతం అందించారు. ఇలా మహిత్ నారాయణ తన ఫ్యామిలీ గురించి చేసినటువంటి ఈ కామెంట్స్ వైరల్ అవుతున్నాయి.