సినీ పరిశ్రమలో విషాదం.. స్టార్ మ్యూజిక్ డైరెక్టర్ తల్లి కన్నుమూత!

సినీ పరిశ్రమలో విషాదాల సంఖ్య రెట్టింపు అవుతూనే ఉంది. తాజాగా స్టార్ సంగీత దర్శకుడు తల్లి కూడా మరణించడం అందరినీ విషాదంలోకి నెట్టేసినట్లు అయింది. వివరాల్లోకి వెళితే.. స్టార్ మ్యూజిక్ డైరెక్టర్ గోపి సుందర్ (Gopi Sundar) తల్లి లివి సురేష్ బాబు ఈ రోజు మృతి చెందారు.అనారోగ్య సమస్యలతో ఆమె కేరళలోని తన నివాసంలో మరణించినట్టు తెలుస్తుంది. ఆమె వయసు 65 ఏళ్ళు. ఈ విషయాన్ని స్వయంగా గోపీసుందర్ తన సోషల్ మీడియా ద్వారా తెలియజేశారు.

Gopi Sundar

తన సోషల్ మీడియా ద్వారా గోపీసుందర్ (Gopi Sundar) స్పందిస్తూ.. “అమ్మా.. నువ్వు నా జీవితానికి కావలసిన ప్రేమని, ఉన్నత శిఖరాలకు చేరుకునే శక్తిని ఇచ్చావు. నేను కంపోజ్ చేసే ట్యూన్స్ అన్నీ నీ ప్రేమనే ప్రతిబింబిస్తాయి. నా గుండెల్లో, నా అడుగుజాడల్లో నువ్వు ఎల్లప్పుడూ కొలువై ఉంటావు. నీ ఆత్మకు శాంతి చేకూరాలని నేను ఆశిస్తున్నాను” అంటూ తన తల్లితో దిగిన ఫోటోని షేర్ చేసి ఇలా ఎమోషనల్ గా రాసుకొచ్చాడు.

ఇక గోపీసుందర్ అందరికీ సుపరిచితమే. శర్వానంద్ ‘మళ్ళీ మళ్ళీ ఇది రాని రోజు’ (Malli Malli Idi Rani Roju) తో టాలీవుడ్లో ఎంట్రీ ఇచ్చాడు. ఆ తర్వాత ‘భలే భలే మగాడివోయ్’ (Bhale Bhale Magadivoy) ‘ఊపిరి’ (Oopiri) ‘ప్రేమమ్’ (Premam) ‘నిన్ను కోరి’ (Ninnu Kori) ‘మజిలి’ ‘సామజవరగమన’ (Samajavaragamana) ‘ది ఫ్యామిలీ స్టార్’ (Family Star) వంటి సినిమాలకు సంగీతం అందించి స్టార్ మ్యూజిక్ డైరెక్టర్ గా ఎదిగాడు. ఇక గోపీసుందర్ తల్లి గారి అంత్యక్రియలు కేరళలోని కూర్కెమ్చేరిలోని , వడూకర స్మశాన వాటికలో జరగనున్నాయి.

సూర్యతో ‘తండేల్ ‘ దర్శకుడి సినిమా.. మరి వెంకీ సంగతేంటి?