ప్రస్తుతం టాలీవుడ్ స్టార్ హీరోలు అస్సలు ఖాళీగా లేరు. ఒక్కొక్కరూ రెండేసి, మూడేసి ప్రాజెక్టులతో మూడేళ్ళ పాటు బిజీ బిజీ గడపబోతున్నారు. మిడ్ రేంజ్ హీరోలు అయితే ఐదేసి ప్రాజెక్టులు సెట్ చేసుకున్నారు. ఈ క్రమంలో టాలీవుడ్ దర్శకులకి హీరోలు దొరకడమే కష్టంగా మారింది. ఒకవేళ దొరికినా.. 2,3 ఏళ్ళు ఆగాలి అనేలా ఉంది పరిస్థితి. ఇలాంటి టైంలో టాలీవుడ్ డైరెక్టర్లకి పరభాషా హీరోలు దొరుకుతున్నారు. ఆల్రెడీ వెంకీ కుడుముల (Venky Kudumula) ధనుష్ (Dhanush), దుల్కర్ సల్మాన్ (Dulquer Salmaan) వంటి హీరోలతో సినిమాలు చేసి హిట్లు కొట్టాడు.
అలాగే వంశీ పైడిపల్లి (Vamshi Paidipally) ఏకంగా విజయ్ (Vijay Thalapathy) తో సినిమా చేసి తమిళంలో కూడా క్రేజ్ సంపాదించుకున్నాడు. పవన్ సాధినేని కూడా దుల్కర్ తో ఓ సినిమా చేస్తున్నాడు. గోపీచంద్ మలినేని (Gopichand Malineni) సైతం సన్నీ డియోల్ తో (Sunny Deol) సినిమా చేస్తున్నాడు. ఫలితాలు కూడా బాగుండడంతో నిర్మాతలు కూడా ఈ ఫార్ములాకి ఒప్పుకుంటున్నారు. తాజాగా ఈ లిస్టులో చందూ మొండేటి కూడా చేరినట్టు స్పష్టమవుతుంది.
ప్రస్తుతం ‘తండేల్’ (Thandel) సినిమా ప్రమోషన్స్ లో బిజీగా గడుపుతున్న చందూ మొండేటి (Chandoo Mondeti).. తన నెక్స్ట్ ప్రాజెక్టుల గురించి ఇంట్రెస్టింగ్ కామెంట్స్ చేశాడు. ఈ క్రమంలో సూర్యతో (Suriya) సినిమా చేసే అవకాశాలు ఉన్నట్టు తెలిపాడు. ‘నా ‘కార్తికేయ 2’ (Karthikeya 2) సినిమా సూర్య (Suriya) గారికి బాగా నచ్చింది. ఆ సినిమా చూసి ఆయన నాతో మాట్లాడారు. కలిసి సినిమా చేద్దాం అన్నారు. నేను 2 కథలు కూడా వినిపించాను.
అవి ఆయనకి నచ్చాయి. రెండిటిలో ఒకటి ఫైనల్ చేస్తే.. దానిపై వర్క్ చేసి సెట్స్ పైకి తీసుకెళ్లడమే’ అని చెప్పుకొచ్చాడు చందూ మొండేటి. అయితే సూర్య.. దర్శకుడు వెంకీ కుడుములతో కూడా ఓ సినిమా చేయబోతున్నట్టు టాక్ నడుస్తుంది. మరి చందూ మొండేటి ప్రాజెక్టు ఎప్పటికి సెట్ అవుతుందో చూడాలి
Home
