సినిమా ఇండస్ట్రీలోకి ఎంట్రీ ఇచ్చి భారీ సినిమాలను నిర్మిస్తూ అతి తక్కువ సమయంలో టాప్ ప్రొడక్షన్ హౌస్ గా ఎదిగింది మైత్రి మూవీ మేకర్స్. ఇప్పటికే పలు హిట్ సినిమాలను నిర్మించిన ఈ సంస్థ ఇప్పుడు మహేష్ బాబు, పవన్ కళ్యాణ్, చిరంజీవి లాంటి అగ్ర హీరోల సినిమాలను లైన్లో పెట్టింది. ఇవి కాకుండా ప్రభాస్, బాలకృష్ణలతో కూడా సినిమాలు మొదలుపెట్టనున్నారు. ప్రస్తుతం ఇన్ని క్రేజీ ప్రాజెక్ట్స్ చేపట్టిన మరో బ్యానర్ లేదు.
ఇప్పటివరకు ప్రొడక్షన్ లో దూసుకుపోతున్న ఈ సంస్థ ఇప్పుడు డిస్ట్రిబ్యూషన్ రంగంలోకి కూడా ఎంటర్ అవ్వబోతుందని తెలుస్తోంది. తమ నిర్మాణంలో ఉన్న సినిమాలను నైజాంలో తామే డిస్ట్రిబ్యూట్ చేసుకునేలా ప్లాన్ చేస్తుంది మైత్రి సంస్థ. ఈ మేరకు నైజాంలో డిస్ట్రిబ్యూషన్ ఆఫీస్ తెరిచినట్లు సమాచారం. పంపిణీ రంగంలో అనుభవం ఉన్న అన్నపూర్ణ సాయిబాబా సహాయంతో డిస్ట్రిబ్యూషన్ మొదలపెడుతున్నారట. ‘ఉప్పెన’ సినిమాను నైజాంలో సొంతంగా డిస్ట్రిబ్యూట్ చేయబోతున్నారట. నిజానికి ఈ సినిమాని ముందుగా దిల్ రాజుకి ఇచ్చారు. దీనికి ఆయన కోటి రూపాయల అడ్వాన్స్ కూడా ఇచ్చారు.
కానీ ఇప్పుడు ఆ మొత్తాన్ని వెనక్కి ఇచ్చేసి తామే పంపిణీ చేస్తామని చెప్పారట. ఇంత సడెన్ గా ఈ నిర్ణయం తీసుకోవడానికి కారణం కూడా ఉందట. గతంలో విడుదలైన ‘మత్తు వదలరా’ సినిమాను నైజాంలో సొంతంగా పంపిణీ చేయాల్సి వచ్చింది. ఆ సమయంలో గ్రాస్, షేర్ ఇలా అన్ని లెక్కలపై క్లారిటీ వచ్చిందట. అప్పటివరకు డిస్ట్రిబ్యూటర్లు చెప్పే లెక్కలకు నిజమైన లెక్కలకు తేడా ఉండడంతో.. ఇకపై తమ బ్యానర్ లో తెరకెక్కే సినిమాలను సొంతంగా డిస్ట్రిబ్యూట్ చేసుకోవాలని నిర్ణయించుకున్నారట.
Most Recommended Video
30 రోజుల్లో ప్రేమించటం ఎలా? సినిమా రివ్యూ & రేటింగ్!
‘జబర్దస్త్’ కమెడియన్ల రియల్ భార్యల ఫోటోలు వైరల్..!
హీరో, హీరోయిన్ల పెయిర్ మాత్రమే కాదు విలన్ ల పెయిర్ లు కూడా ఆకట్టుకున్న సినిమాలు ఇవే..!
