Nag Ashwin: కవర్‌కి పూజ చేసి రెడీ అయిన నాగీ.. టైటిల్‌ అదేనంటూ పుకార్లు!

‘ప్రాజెక్ట్‌ కె’ అనే పేరు పెట్టి… చాలా రోజుల క్రితమే ప్రభాస్‌ సినిమాకు నాగ్‌ అశ్విన్‌ టైటిల్‌ పెట్టేశారా? అదేంటి అది వర్కింగ్‌ టైటిల్‌ కదా.. నిజమైన టైటిల్‌ వేరే ఉంటుంది అని అన్నారు కదా అనుకుంటున్నారా? అవును వాళ్లు అలా అప్పుడు అన్నది నిజమే కానీ.. ఇప్పుడు ఆ పేరుకు దగ్గరగా ఉన్న పేరునే ఇప్పుడు సినిమాకు టైటిల్‌గా అనౌన్స్‌ చేస్తారు అని అంటున్నారు. ఈ మేరకు కీలకమైన పత్రాన్ని సిద్ధం చేశారు అని కూడా అంటున్నారు. దీనికి సంబంధించి ఓ పుకారు సీరియస్‌గా టాలీవుడ్‌లో చక్కర్లు కొడుతోంది.

ప్రభాస్‌ – నాగ్‌ అశ్విన్‌ (Nag Ashwin) కాంబినేషన్‌లో ప్రారంభమైన ఈ సినిమా ఇప్పుడు అంతకుమించి అనేలా తయారైంది. అమితాబ్‌ బచ్చన్‌, దీపికా పడుకొణె, కమల్‌ హాసన్‌ అంటూ… స్టార్‌ అట్రాక్షన్‌ సినిమాకు యాడ్‌ అవుతూ వస్తోంది. ఇంత పెద్ద సినిమా ప్రమోషన్‌ ఇంకెంత పెద్దగా ఉండాలి చెప్పండి. అందుకే ఈ సినిమా ప్రచారాన్ని అంతర్జాతీయ వేదిక మీద నిర్వహించబోతున్నారు. అమెరికాలోనే జరిగే శాన్‌ డియాగో కామికాన్‌లో ఈ సినిమా ప్రమోషన్స్‌ ఈ నెల 20న జరుగుతున్నాయి. అంటే మన దేశంలో 21న అన్నమాట.

ఈ సందర్భంగా నాగ్‌ అశ్విన్‌ మరో అప్‌డేట్‌ ఇచ్చి, ప్రభాస్‌ అభిమానులకు ఉత్కంఠ కలిగించారు. ఒక కవర్‌పై పూలను ఉంచిన ఫొటోను షేర్‌ చేసి… ‘‘ఈ కవర్‌లో ఒక పేపర్‌ ఉంది. దానిపై ఒకే ఒక్క అక్షరం ముద్రించి ఉంది. కానీ, దాని బరువు ప్రపంచమంత ఉంటుంది’’ అని రాసుకొచ్చారు. దాని బట్టి ‘ప్రాజెక్ట్‌ కె’కు సింగిల్ లెటర్ టైటిల్‌ ఉంటుంది అని అనుకుంటున్నారు. అది ‘K’ అవుతుంది అంటున్నారు. దాని పూర్తి పేరు ‘కాలచక్రం’ అని అంటున్నారు.

ఇలా షార్ట్‌ నేమ్‌లో సినిమా పేరు పెట్టడానికి కారణం ‘కేజీయఫ్‌’, ‘ఆర్‌ఆర్‌ఆర్‌’ అని అంటున్నారు. ఆ సినిమాలకు కూడా ఇలా షార్ట్‌ నేమ్‌ పెట్టి ప్రజల నోళ్లలో ఎక్కువగా నానాయి. ఇప్పుడు ‘ప్రాజెక్ట్‌ కె’ విషయంలోనూ ఇదే ఆలోచనతో సింగిల్‌ లెటర్‌ టైటిల్‌ అనుకుంటున్నారట. భారతీయ కాలమానం ప్రకారం ఈ నెల 21న ఉదయం ఒంటి గంట నుండి రెండున్నర గంటల మధ్యలో ఈ టైటిల్‌ అనౌన్స్ చేస్తున్నారట. ఇక ఈ సినిమా కూడా రెండు భాగాలుగా విడుదలకానున్నట్లు సమాచారం.

బేబీ సినిమా రివ్యూ & రేటింగ్!

హాస్టల్ డేస్ వెబ్ సిరీస్ రివ్యూ & రేటింగ్!
మహావీరుడు సినిమా రివ్యూ & రేటింగ్!