“బిగ్ బాస్” రియాలిటీ షో తెలుగులో కూడా మంచి పాపులర్ అయ్యింది. ఇప్పటికే మొదటి సీజన్ కు ఎన్టీఆర్, రెండో సీజన్ కు నాని హోస్టులు గా వ్యవహరించారు. ఇప్పుడు మూడో సీజన్ కు ఎవరు హోస్ట్ గా వ్యవహరిస్తారా అనేది పెద్ద చర్చనీయాంశం అయ్యింది. అందుతున్న సమాచారం ప్రకారం ‘బిగ్ బాస్ 3’ హోస్ట్ గా కింగ్ నాగార్జున చేయబోతున్నారట. ఇప్పటి వరకూ ఇది ప్రచారంలో ఉన్న వార్తే అయినప్పటికీ ఇప్పుడు ఫైనల్ చేసారని టాక్ నడుస్తుంది.
ఇప్పటికే ప్రోమో కోసం ఫోటో షూట్ ను కూడా మొదలుపెట్టేశారట. జూలై 21 వ తేదీన ఈ షో మొదలు కానుందని టాక్ నడుస్తుంది. ఇప్పటికే ‘మీలో ఎవరు కోటీశ్వరుడు’ రియాలిటీ షోతో ప్రేక్షకుల్ని బాగా ఆకట్టుకున్నాడు నాగార్జున. ఇప్పుడు ఈ ‘బిగ్‌బాస్‌ 3’ ని ఏ రేంజ్లో హోస్ట్ చేస్తాడనేది సర్వత్రా చర్చనీయాంశం అయ్యింది. ఇటీవల నాగార్జున ఓ ఛానల్‌కు ఇచ్చిన ఇంటర్వ్యూలో కూడా ‘బిగ్ బాస్ 3’ ని హోస్ట్ చేస్తునట్టు తెలిపాడు కూడా. త్వరలోనే దీని పై అఫీషియల్‌ ప్రకటన కూడా రానుందని సమాచారం. ఈ షో లో శ్రీముఖి కూడా పాల్గొంటుందని టాక్ నడుస్తుంది. అంతేకాదు ఈ షోలో అందరూ సెలెబ్రిటీలే ఉండబోతున్నారని కూడా టాక్ నడుస్తుంది.
Home