నేటి హీరోల గురించి మెగా బ్రదర్ నాగబాబు చెప్పిన విశేషాలు!

టాలీవుడ్ లో నేటి హీరోలు ఒకరికొకరు తమ ప్రత్యేకతను చాటుకుంటూ దూసుకుపోతున్నారు. వీరి గురించి మీ అభిప్రాయం చెప్పమని మెగా బ్రదర్ నాగబాబు ని అడగగా ఆయన మనసులోని విషయాలను బయటపెట్టారు. నేడు ఉన్న హీరోల్లో మెగా హీరోలతో పాటు, ప్రతి ఒక్కరూ చమటని చిందిస్తూ స్టార్ ఇమేజ్ ని సొంతం చేసుకున్నవారేనని అన్నారు. “మహేష్ బాబు అందగాడని అందరూ అభినందిస్తుంటారు.. ఆ రూపాన్ని అతను తీసుకురావడం వెనుక ఎంత కష్టపడ్డాడో నేను స్వయంగా చూసాను. చాలా ఎక్కువ సమయం పరిగెత్తుతాడు. అదే అతన్ని అథ్లెట్ లా చేసింది” అని వివరించారు. ” ప్రభాస్ చాలా బ్రిలియంట్, నేచురల్ యాక్టర్. సిక్స్ ప్యాక్ చేయడానికి ఎంత కష్టపడ్డాడు.

అలాగే అల్లు అర్జున్, ఎన్టీఆర్ లు చాలా కష్టపడి సిక్స్ ప్యాక్ రప్పించారు”అని ప్రశంసించారు. ఇక హీరోలు సాహసాలు చేస్తూ ప్రాణం మీదకు తెచ్చుకున్న సంగతులను కూడా వివరించారు. “చరణ్ బాబు మగధీరలో అతిపెద్ద ప్రమాదం నుండి తప్పించుకున్నాడు. మొహానికి గుడ్డపడే సీన్ ప్లాన్డ్ కాదు, యాక్సిడెంట్.  దాన్నేదో మేనేజ్ చేశారు కానీ, ఏమైనా అయ్యింటే లైఫ్ ఏమయ్యేది. అలాంటి రిస్కులు చేసుకుంటున్నారు మన హీరోలు. బన్నీకి భుజానికి 20 సార్లు గాయాలు అయ్యాయి. ఆపరేషన్లు చేయించుకున్నాడు. అయినా ఫైట్లు, డ్యాన్స్లు చేస్తున్నాడు.” అని హీరోల కష్టాన్ని నాగబాబు తెలిపారు.

Also, do SUBSCRIBE to our YouTube channel to get latest Tollywood updates.