నాగచైతన్య-సమంతల రిసెప్షన్ ఎప్పుడో తెలుసా?

అక్టోబర్ 12న గోవాలో అత్యంత ఘనంగా హిందూ-క్రిస్టియన్ పద్ధతుల్లో అక్కినేని నాగచైతన్య-సమంతల పెళ్లి జరిగిన విషయం తెలిసిందే. పెళ్లి తర్వాత దగ్గుబాటి వారి కుటుంబం కోసం ఒకసారి, అక్కినేని వారి కుటుంబం కోసం ఇంకోసారి రెండు రిసెప్షన్లను ఏర్పాటు చేశారు. అయితే.. అక్కినేని అభిమానులకు మాత్రం తమ అభిమాన కథానాయకుడు నాగార్జున తనయుడు అక్కినేని నాగచైతన్యను ఆయన సతీమణి సమంత సమేతంగా చూసుకోవాలన్న కోరిక మాత్రం తీరలేదు. పెళ్ళికి ముందే నాగార్జున హైద్రాబాద్ లో ఒక రిసెప్షన్ ను ఏర్పాటు చేసి భారీ స్థాయిలో నిర్వహించడంతోపాటు అభిమానులను కూడా పిలుద్దామనుకొన్న విషయం తెలిసిందే.

పెళ్లై దాదాపు నెల రోజుల తర్వాత ఆ శుభముహూర్తం సెట్ అయ్యింది. నవంబర్ 12న అనగా వచ్చే ఆదివారం హైద్రాబాద్ లోని ఎన్ కన్వెన్షన్ సెంటర్ లో ఈ వేడుక జరగనుంది. సినిమా మరియు రాజకీయ ప్రముఖులు వందల సంఖ్యలో పాల్గొననున్న ఈ వేడుకకు అక్కినేని అభిమానులను కూడా పిలవనున్నాడట నాగార్జున. అలాగే మీడియాను కూడా ఈ వేడుకలో భాగం చేయనున్నాడట నాగార్జున. ఈ ఏడాది అక్కినేని కుటుంబంలోనే కాక తెలుగు చిత్రసీమలో చోటు చేసుకోనున్న భారీ ఈవెంట్ ఇదే.