‘ఎన్టీఆర్’ బయోపిక్ లో నటించనున్న నాగచైతన్య

దాదా సాహెబ్ అవార్డు గ్రహీత అక్కినేని నాగేశ్వరరావు పోషించని పాత్ర అంటూ లేదు. అతని పాత్రలను పోషించడానికి నాగార్జున భయపడేవారు. అంతేకాదు అతనిలా నటించే సాహసం అసలు చేయలేదు. కానీ నాగ చైతన్య సావిత్రి బయోపిక్ మహానటి సినిమాలో ఏఎన్నార్ గా నటించి అభినందనలు అందుకున్నారు. ఇప్పుడు మరో సారి చైతూ అతని తాతగా కనిపించనున్నారు. నందమూరి తారక రామారావు బయోపిక్ ని క్రిష్ తెరకెక్కించడానికి సిద్ధమవుతున్నారు. ఇందులో ఎన్టీఆర్ గా బాలకృష్ణ నటిస్తున్న సంగతి తెలిసిందే. అలాగే ఎన్టీఆర్ భార్య బసవతారంగా విద్య బాలన్ నటించడానికి ఒకే చెప్పారు.

ఎన్టీఆర్ తో నటించిన హీరోయిన్స్ గా కొంతమంది హీరోయిన్స్ ని సెలక్ట్ చేస్తున్నారు. ఎన్టీఆర్ కాలంలో అతనితో పోటీపడ్డ హీరో అక్కినేని నాగేశ్వరావు. అంతేకాదు ఏఎన్నార్, ఎన్టీఆర్ కలిసి మిస్సమ్మ, గుండమ్మ కథ వంటి చిత్రాలు చేశారు. అందుకే బయోపిక్ లో ఏఎన్నార్ రోల్ తప్పనిసరి. ఎక్కువ సీన్స్ కూడా ఉంటాయి. ఆ రోల్ కి క్రిష్ నాగచైతన్యని సంప్రదించారంట. చైతూ గ్రీన్ సిగ్నల్ ఇవ్వడమే ఆలస్యం. ప్రస్తుతం చైతూ సవ్యసాచి చిత్రాన్ని కంప్లీట్ చేసి శైలజ రెడ్డి అల్లుడు సినిమా షూటింగ్ లో బిజీగా ఉన్నారు. సో డేట్స్ చూసుకొని క్రిష్ కి ఒకే చెప్పనున్నారు. భారీ బడ్జెట్ తో స్వయంగా బాలయ్య నిర్మిస్తున్న ఎన్టీఆర్ సినిమా రెండు పార్టులుగా రానుంది. మొదటి భాగం సంక్రాంతికి థియేటర్లో రానుంది.