యువ సామ్రాట్ నాగచైతన్య, క్యూట్ బ్యూటీ సమంతలు వెండితెరపైన తమ నటనతో ఎంతోమందిని ప్రేమలో పడేసారు. నిజ జీవితంలో ఒకరికొకరు ప్రేమలో మునిగిపోయారు. వారిద్దరి ప్రేమను గెలిపించుకోవడంలోను విజయవంతమయ్యారు. ఈ జర్నీలో ఎన్నో ఇబ్బందులను ఎదుర్కోవడం సహజం. ఈ విషయాల గురించి నాగ చైతన్య స్పందించారు. నూతన దర్శకుడు కృష్ణ మరిముత్తు దర్శకత్వంలో చైతూ “యుద్ధం శరణం” చేశారు. ఈ చిత్రం త్వరలో రిలీజ్ కాబోతోంది. ఈ సందర్భంగా మీడియా ముందుకు వచ్చారు.
అప్పుడు అతన్ని సినిమాలో యుధ్ధం చేశారు సరే, నిజ జీవితంలో ఎవరితోనైనా యుధ్ధం చేశారా? అని అడగగా.. అందుకు నాగచైతన్య స్పందిస్తూ.. “యుధ్ధం చేసాను. సమంత ప్రేమను పొందడానికి ఆమెతోనే యుధ్ధం చేసాను” అని చెప్పారు. ప్రేమను ఒప్పించడానికి పెద్దలతో యుద్ధం చేయాల్సి వచ్చిందా? అని అడగగా.. అందుకు సమాధానమిస్తూ ” పెద్దలతో యుద్ధం చేయాల్సిన అవసరం రాలేదు. పేరెంట్స్ మా ప్రేమను ప్రోత్సహించారు” అని వెల్లడించారు. వీరిద్దరూ అక్టోబర్ ఆరవతేదీన గోవాలో పెళ్లిచేసుకోబోతున్నారు.
Also, do SUBSCRIBE to our YouTube channel to get latest Tollywood updates.
