ఇవాళ గోవాలో సముద్ర తీరాన తనను మెచ్చిన, తన మనసుకు నచ్చి సమంతను పెళ్లాడి ఆమెను తన జీవిత భాగస్వామిగా మార్చుకోనున్న నాగచైతన్య.. పెళ్లి అనంతరం మారుతి దర్శకత్వంలో ఓ సినిమాలో నటించేందుకు ఒకే చేసిన విషయం తెలిసిందే. ప్రెజంట్ ట్రెండ్ కి తగ్గట్లు కథాంశాలను ఎంపిక చేసుకోవడంలో సిద్ధహస్తుడైన మారుతి.. నాగచైతన్యతో తాను తెరకెక్కించనున్న సినిమా కోసం “పెళ్లి తర్వాత జంట కష్టాలు” అనే నేపధ్యాన్ని ఎంచుకొన్నాడు.
నాగచైతన్య పెళ్లి అనంతరం నటించబోయే సినిమా కావడంతో ఈ కాన్సెప్ట్ అయితే జనాలకి విశేషంగా అలరిస్తుందని దర్శకనిర్మాతలు నమ్ముతున్నారు. వారి నమ్మకం ఎంతవరకూ నిజమవుతుందో తెలియదు కానీ.. నాగచైతన్య ఈ సినిమాలో తన రియల్ లైఫ్ కి సంబంధించిన ఇన్ పుట్స్ ఏమైనా ఇస్తాడా లేక మారుతికే వదిలేస్తాడా అనేది చూడాలి. ఇకపోతే.. సినిమాలో ఇన్ పుట్స్ ఎవరివైనా సరే విడుదలయ్యాక అవి నాగచైతన్య-సమంతల వైవాహిక జీవితానికి కనెక్ట్ అవ్వడం ఖాయం, మరి ఈ విషయాన్ని దృష్టిలో ఉంచుకొని మారుతి ఎలాంటి జాగ్రత్తలు తీసుకొంటాడో చూడాలి.
ఇవన్నీ పక్కన పెడితే.. నేటితో దాంపత్య జీవితంలోకి అడుగుడితున్న అక్కినేని నాగచైతన్య-అక్కినేని సమంత దంపతులకు “ఫిల్మీఫోకస్” ఆల్ ది బెస్ట్ తెలియజేస్తుంది.
