ఒకసారై వెండితెరపైనే హీరో, హీరోయిన్స్ మధ్య కెమిస్ట్రీ వర్కౌట్ అయితే.. ఆ జంటపై డైరక్టర్ల దృష్టి పడుతుంది. తమ సినిమాలో ఆ జోడీ ఉంటె హిట్ గ్యారంటీ అని నమ్ముతారు. కళ్యాణ్ కృష్ణ దర్శకత్వంలో వచ్చిన “రారండోయ్ వేడుక చూద్దాం” సినిమాలో నాగ చైతన్య, రకుల్ ప్రీత్‌సింగ్ లు చక్కగా నటించి సూపర్ హిట్ అందుకున్నారు. ముఖ్యంగా భ్రమరాంబగా రకుల్ నటన అందరితో ప్రశంసలు అందుకుంది. ఆ చిత్రం తర్వాత రకుల్ బాలీవుడ్ వైపు అడుగులు వేయగా.. నాగ చైతన్య చేతినిండా సినిమాలతో బిజీగా ఉన్నారు. వీరిద్దరిని మళ్ళీ వెండితెరపై జంట గా చూపించడానికి యువ డైరక్టర్ సౌజన్య ప్రయత్నిస్తున్నారు.
దర్శకుడు కృష్ణవంశీ దగ్గర అసిస్టెంట్ డైరక్టర్ గా పనిచేసిన సౌజన్య వీరికి కథ కూడా వినిపించారట. కథ కొత్తగా, ఆసక్తికరంగా ఉండటంతో వాళ్ళు ఒకే కూడా చెప్పేశారని సమాచారం. ప్రస్తుతం ఒప్పుకున్నా ప్రాజక్ట్స్ పూర్తి అయిన తర్వాత సౌజన్యకి డేట్స్ కేటాయించనున్నారు. అప్పటిలోపున పక్కాగా స్క్రిప్ట్ పూర్తి చేయాలనీ సౌజన్య భావిస్తున్నారు. ఈ చిత్రంలో నటించనున్న ఇతర నటీనటులు, టెక్నీషయన్ల గురించి వివరాలు త్వరలో బయటికి రానున్నాయి.
