అభిమానులకు దగ్గరగా కొందరు హీరోలుంటారు, ఇంకొందరు అభిమానుల దగ్గరకే వెళ్తారు, ఇంకొందరు దగ్గరకి వెళ్ళాలంటేనే భయపడేలా ఉంటారు. వీళ్ళందరికీ విభిన్నంగా తనకోసం వచ్చిన అభిమానితో హుందాగా సమయం గడిపిన నాగచైతన్య వీడియో ఇప్పుడు సోషల్ మీడియాలొ ట్రెండ్ అవుతోంది. ప్రస్తుతం రాజమండ్రిలో నాగచైతన్య హీరోగా విక్రమ్ కుమార్ దర్శకత్వంలో తెరకెక్కుతున్న “థ్యాంక్యూ” షూటింగ్ జరుగుతోంది. ఆల్రెడీ అక్కడ ఓ అభిమాని చైతూను చూడడం కోసం బ్రిడ్జ్ మీద నుంచి గోదావరిలోకి దూకడం సెన్సేషన్ క్రియేట్ చేసింది.
ఆ విషయాన్ని మర్చిపోయేలోపే చైతూ తన అభిమానితో ఆత్మీయంగా మాట్లాడుతున్న వీడియో ఒకటి సొషల్ మీడియాలొ హల్ చల్ చేయడం మొదలెట్టింది. సదరు వీడియోలో నాగచైతన్య తన అభిమానితో ఫ్రెండ్ లా మాట్లాడుతూ, అసలు ఏ సినిమా నుంచి అభిమానివి అయ్యావ్? అంటూ అడగడం నెటిజన్లను విశేషంగా ఆకట్టుకుంది. ఇక అప్పట్నుంచి జనాలందరూ “అభిమానులతో ఇలా ఉండాలి“ సొషల్ మీడియాలో ట్వీట్ చేస్తూ చైతూ సింప్లిసిటీని అకాశానికెత్తేస్తున్నారు. మరీ ముఖ్యంగా బాలయ్య రీసెంట్ గా ఓ వ్యక్తిని కట్టిన వీడియో వైరల్ అయ్యాక చైతన్య వీడియోను మరింత మంది షేర్ చేస్తుండడం గమనార్హం.
ఇకపొతే.. నాగచైతన్య-నాగార్జున కాంబినేషన్ లొ త్వరలోనే “బంగార్రాజు” తెరకెక్కనుందని నాగార్జున కన్ఫర్మ్ చేయడంతో అక్కినెని అభిమానులందరూ ఆ సినిమా కొసం వెయిట్ చేయడం మొదలెట్టారు. చైతూ నటించిన “లవ్ స్టోరీ” వచ్చే నెల విడుదలకానుంది. సినిమాలోని పాటలన్నీ సూపర్ హిట్ అవ్వడంతోపాటు, సాయిపల్లవి ఫ్యాక్టర్ కూడా యాడ్ అవ్వడంతో ఈ సినిమాపై మంచి అంచనాలు ఉన్నాయి.
Most Recommended Video
ఏ1 ఎక్స్ ప్రెస్ సినిమా రివ్యూ & రేటింగ్!
షాదీ ముబారక్ సినిమా రివ్యూ & రేటింగ్!
సీత ఆన్ ది రోడ్ సినిమా రివ్యూ & రేటింగ్!
