Naga Chaitanya: ఆ మూవీని ఫాలో అవుతున్న చైతూ!

మనం తర్వాత ఆ స్థాయి హిట్ లేని విక్రమ్ కె కుమార్ డైరెక్షన్ లో నాగచైతన్య హీరోగా దిల్ రాజు నిర్మాతగా థాంక్యూ సినిమా తెరకెక్కుతున్న సంగతి తెలిసిందే. ఈ సినిమాలో చైతన్య హాకీ ప్లేయర్ పాత్రలో కనిపించబోతున్నారని తెలుస్తోంది. ఈ సినిమా స్టోరీ లైన్ గురించి వైరల్ అవుతున్న వార్తలు సినిమాపై అంచనాలను ఊహించని స్థాయిలో పెంచుతుండటం గమనార్హం. ప్రేమమ్ సినిమాలో చైతన్య మూడు భిన్నమైన గెటప్స్ లో కనిపించిన సంగతి తెలిసిందే.

థాంక్యూ సినిమాలో కూడా నాగచైతన్య మూడు భిన్నమైన గెటప్స్ లో కనిపించబోతున్నారని సమాచారం. తెలుస్తున్న సమాచారం ప్రకారం చైతన్య ఈ సినిమాలో స్టూడెంట్ లీడర్ గా, భవిష్యత్తు కొరకు కలలు కనే యంగ్ మ్యాన్ గా, మిడిల్ ఏజ్డ్ పర్సన్ గా కనిపించనున్నారు. విక్రమ్ కె కుమార్ డైరెక్షన్ లో వచ్చే సినిమాలు ఇతర దర్శకుల సినిమాలతో పోలిస్తే భిన్నంగా ఉంటాయి. జయాపజయాలతో సంబంధం లేకుండా ఈ దర్శకుడికి సినిమా ఆఫర్లు వస్తున్నాయి.

అక్కినేని ఫ్యామిలీకి మనం సినిమాతో మెమరబుల్ హిట్ ఇచ్చిన విక్రమ్ కె కుమార్ అఖిల్ తో తెరకెక్కించిన హలో సినిమాతో అంచనాలను అందుకోలేకపోయారు. విక్రమ్ కె కుమార్ గత సినిమా నాని’స్ గ్యాంగ్‌లీడర్ కూడా బాక్సాఫీస్ వద్ద హిట్ కాలేదు. మరోవైపు వరుస హిట్లతో జోరుమీదున్న నాగచైతన్య థాంక్యూ సినిమాతో మరో హిట్ ఖాతాలో వేసుకుంటారో లేదో చూడాల్సి ఉంది. ఈ మూవీ రిలీజ్ డేట్ కు సంబంధించిన ప్రకటన వెలువడాల్సి ఉంది.

Most Recommended Video

చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!