ప్రస్తుతం హీరో అక్కినేని నాగచైతన్య, సమంతతో కలసి ‘మజిలీ’ సినిమాలో నటిస్తున్నాడు. ఈ చిత్రంతో పాటు విక్టరీ వెంకటేష్ తో కలసి ‘వెంకీ మామ’ అనే మల్టీస్టార్ సినిమాని కూడా లైన్లో పెట్టాడు. వీటితో పాటు చైతు మరొక సినిమాకి కూడా గ్రీన్ సిగ్నల్ ఇచ్చాడంటా. డైరెక్టర్ మేర్లపాక గాంధీ చెప్పిన కథ నచ్చడంతో ఆయనతో సినిమా చేసేందుకు కమిట్ అయ్యాడనే వార్త వినిపిస్తుంది. ఈ చిత్రాన్ని మైత్రి మూవీ మేకర్స్ నిర్మించబోతున్నారు. అయితే ఈ సినిమాలో నాగ చైతన్య కి జోడిగా ఎవరు నటిస్తారనే విషయం పై కొన్ని రూమర్స్ వినిపిస్తున్నాయి.
విభిన్న చిత్రాల దర్శకుడిగా గుర్తింపు తెచ్చుకున్న డైరెక్టర్ మేర్లపాక గాంధీ కథ పరంగా అలోచించి హీరోయిన్ గా నిత్యా మీనన్ ని ఎంపిక చేసినట్లుగా వార్తలు వస్తున్నాయి. అయితే ఈ భామకి కొంతకాలం నుండి మెయిన్ హీరోయిన్ రోల్స్ రావడం తక్కువైపోయింది. నిత్యా మీనన్ యాక్టింగ్ బాగా చేస్తుందనే పేరు ఉన్నపటికీ కొంచం బొద్దుగా, పొట్టిగా ఉన్నందు వల్లే మెయిన్ హీరోయిన్ గా అవకాశాలు తగ్గిపోయాయి అనేది కొందరి మాట. ఇక నాగచైతన్య, నిత్యా మీనన్ జోడి అసలు సెట్ అవుతుందా? డైరెక్టర్ నిత్యా ని ఎందుకు తీసుకుంటాడనే కొన్ని రూమర్స్ ఇప్పుడు బయటికి వచ్చాయి. మరి డైరెక్టర్ మేర్లపాక గాంధీ మాత్రం తన సినిమా లో హీరోయిన్ ఎవరనేది క్లారిటీ అయితే ఇవ్వలేదు. చైతూకి జోడిగా ఎవరనేది తెలియాలంటే అధికారిక ప్రకటన వచ్చే వరకు ఆగాల్సిందే.
