సి.సి.ఎల్ లాంటి పోటీల్లో కేవలం అఖిల్ మాత్రమే బ్యాట్ పట్టుకొని కనిపించడం వలన మనం ఎప్పుడు అఖిల్ లేదా నాగార్జునకి మాత్రమే క్రికెట్ అంటే ఇష్టమేమో.. నాగచైతన్య కాన్సన్ ట్రేషన్ మొత్తం కార్స్ & బైక్స్ మీద మాత్రమే ఉందేమో అనుకొన్నారందరూ. కానీ.. స్వతహా చైతూ క్రికెట్ కి వీరాభిమాని మాత్రమే కాదు మంచి క్రికెటర్ కూడా. ఈ టాలెంట్ ను ఇప్పటివరకు ఎవరికీ తెలియకుండా దాచేశాడు చైతూ. అయితే.. చైతూ లోని ఈ టాలెంట్ ను యూటిలైజ్ చేసేందుకు సన్నద్ధమవుతున్నాడు “నిన్ను కోరి” ఫేమ్ శివ.
“నిన్ను కోరి” అనంతరం నాగచైతన్య-సమంత జంటగా ఒక సినిమా మొదలెట్టిన శివ ఈ చిత్రాన్ని ఒక సెన్సిబుల్ లవ్ స్టోరీగా తెరకెక్కించనున్నాడు. ఈ చిత్రంలో నాగచైతన్య క్రికెటర్ గా కనిపించనున్నాడట. సమంత “యు టర్న్” షెడ్యూల్ కంప్లీట్ అవ్వగానే ఈ సినిమా స్టార్ట్ అవుతుంది. పెళ్ళైన తర్వాత చైతూ-సామ్ కలిసి నటించనున్న సినిమా కావడంతో సాధారణంగానే ఈ సినిమాపై మంచి అంచనాలున్నాయి.
