స్టార్ హీరో నాగచైతన్య (Naga Chaitanya) లవ్ స్టోరీ సినిమా తర్వాత ఆ రేంజ్ సక్సెస్ ను సాధించలేదనే సంగతి తెలిసిందే. బంగార్రాజు (Bangarraju) మూవీ సక్సెస్ సాధించినా ఆ సినిమా మరీ రికార్డులు క్రియేట్ చేసే స్థాయిలో కలెక్షన్లను సొంతం చేసుకోలేదు. అయితే ప్రస్తుతం తండేల్ సినిమాతో బిజీగా ఉన్న చైతన్య విరూపాక్ష (Virupaksha) డైరెక్టర్ కార్తీక్ దండుకు (Karthik Varma Dandu) ఛాన్స్ ఇచ్చినట్టు సమాచారం అందుతోంది. హర్రర్ థ్రిల్లర్ గా తెరకెక్కిన విరూపాక్ష మూవీ అన్ని వర్గాల ప్రేక్షకులను మెప్పించింది.
చైతన్య కార్తీక్ దండు కాంబినేషన్ క్రేజీ కాంబినేషన్ అవుతుందని ఈ కాంబోలో తెరకెక్కే సినిమా బాక్సాఫీస్ ను షేక్ చేయడం ఖాయమని కామెంట్లు వ్యక్తమవుతున్నాయి. చైతన్య కార్తీక్ కాంబో మూవీ రిలీజ్ కావడానికి చాలా సమయం పట్టే ఛాన్స్ అయితే ఉందని తెలుస్తోంది. కార్తీక్ దండు థ్రిల్లర్ టచ్ ఉన్న సబ్జెక్ట్ ను చైతన్య సినిమా కోసం ఎంచుకుంటున్నారని తెలుస్తోంది.
బి.వి.ఎస్.ఎన్ ప్రసాద్ (B. V. S. N. Prasad) నిర్మాతగా ఈ సినిమా తెరకెక్కనుందని తెలుస్తోంది. ఒకింత భారీ బడ్జెట్ తోనే ఈ సినిమా తెరకెక్కనుందని సమాచారం అందుతోంది. త్వరలోనే ఈ సినిమాకు సంబంధించి అధికారిక ప్రకటన రానుంది. చైతన్య కథల ఎంపిక విషయంలో ఎన్నో జాగ్రత్తలు తీసుకుంటున్నారు. భవిష్యత్తు సినిమాలు చైతన్య మార్కెట్ ను డిసైడ్ చేయనున్నాయి.
తండేల్ (Thandel) సినిమా షూట్ పూర్తైన వెంటనే ఈ సినిమా షూట్ మొదలుకానుంది. కార్తీక్ దండు విరూపాక్ష విడుదలైన తర్వాత చాలా సమయం తీసుకుని ఈ సినిమా స్క్రిప్ట్ ను సిద్ధం చేశారు. ఈ సినిమాకు సుకుమార్ (Sukumar) బ్యానర్ కూడా నిర్మాణ భాగస్వామిగా ఉంటుందో లేదో తెలియాల్సి ఉంది. నాగచైతన్య నిదానంగా సినిమాల్లో నటించడానికే ప్రాధాన్యత ఇస్తున్నారు. చైతన్య రెమ్యునరేషన్ 10 కోట్ల రూపాయలకు అటూఇటుగా ఉండగా తండేల్ హిట్టైతే రెమ్యునరేషన్ పెరిగే ఛాన్స్ అయితే ఉంది.
విజయ్ కారు ధ్వంసం.. కారణం?
‘ఉస్తాద్ భగత్ సింగ్’ నుండీ మరో గ్లింప్స్ వచ్చేసింది.. ఎలా ఉందంటే?
