టాలీవుడ్లో పవన్ కల్యాణ్తో సినిమా అంటే.. ముందుకు రాని నిర్మాతలు ఉండరు. ఎందుకంటే ఆయన సినిమా చేస్తే.. వచ్చే డబ్బులు, పేరు అలాంటివి మరి. అయితే పవన్ కల్యాణ్తో సినిమా అంటే వాటితోపాటు టార్గెట్ కూడా అయిపోతారా? ఈ మాట ఎందుకు అడుగుతున్నాం అనుకుంటున్నారా? గతంలో పవన్ కల్యాణ్తో రెండు సినిమాలు చేసిన నిర్మాణ సంస్థలకు చెందిన వ్యక్తి అలా అన్నారు కాబట్టి. ఆయన సితార ఎంటర్టైన్మెంట్స్ నిర్మాత నాగవంశీ. ఇటీవల ఓ ఇంటర్వ్యూలో మాట్లాడుతూ ఆసక్తికర వ్యాఖ్యలు చేశారాయన.
సితార ఎంటర్టైన్మెంట్స్ బ్యానర్లో తెరకెక్కిన ‘స్వాతిముత్యం’ సినిమా అక్టోబరు 5న విడుదలవుతోంది. ఈ సందర్భంగా నాగవంశీ మీడియాకు ఇంటర్వ్యూలు ఇస్తున్నారు. ఆ సినిమా గురించి చెబుతూ.. మహేష్బాబు సినిమా, ప్రభాస్తో సినిమా గురించీ మాట్లాడారు. ఈ క్రమంలో శర్వానంద్ ‘రణరంగం’ గురించి కూడా మాట్లాడారు. ఇవన్నీ పక్కనపెడితే.. పవన్ కల్యాణ్తో సినిమా తీస్తే వచ్చే ఇబ్బందిని గురించి మాట్లాడారు. ఇప్పుడు అవే వైరల్గా మారాయి.
టికెట్ రేట్ల పెంపు విషయం, ఆ సమయంలో ఏపీ ప్రభుత్వాన్ని చిరంజీవి రిక్వెస్ట్ చేసిన అంశం గురించి ఓ మీడియా ప్రతినిథి అడిగితే.. నాగవంశీ చెప్పడానికి నిరాకరించారు. దానికి ఆయన ఓ కారణం కూడా చెప్పారు. గతంలో ‘డీజే టిల్లు’ సినిమా ప్రచారంలో ఓ విషయం గురించి మాట్లాడితే.. అందరూ వేరేలా అనుకున్నారని, చెప్పిన కాంటెస్ట్ ఒకటైతే.. వేరేలా మార్చేశారని చెప్పారు. అక్కడితో ఆగకుండా ‘పవన్ కల్యాణ్తో సినిమా తీస్తున్నాం కదా.. అలా టార్గెట్ చేస్తారులెండి’ అని ముగించారు.
దీంతో టాలీవుడ్ పవన్ కల్యాణ్ నిర్మాతల పరిస్థితి ఇదా అనే చర్చ మొదలైంది. అప్పుడు నాగవంశీని ఎవరు టార్గెట్ చేశారు. మీడియాలో అలాంటి పరిస్థితి ఉండా? అనే చర్చ మొదలైంది. గతంలో పవన్ నిర్మాతలు ఎవరూ ఇలా మాట్లాడిన సందర్భం లేదు. పెద్ద పెద్ద నిర్మాణ సంస్థలు, చిన్న నిర్మాణ సంస్థలు ఇలా సినిమాలు చేశాయి. అప్పుడు రాని సమస్య ఇప్పుడెందుకు వచ్చింది అనేది ప్రశ్న. దీనికి నాగవంశీనే చెప్పాలి సమాధానం.
Most Recommended Video
నేనే వస్తున్నా సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ ఆరోహి రావ్ గురించి 10 ఆసక్తికర విషయాలు..!
‘బిగ్ బాస్ 6’ కంటెస్టెంట్ శ్రీహాన్ గురించి ఆసక్తికర విషయాలు..!
