Guntur Kaaram: ‘గుంటూరు కారం’ .. వాళ్ళు చంపేయాలనుకున్నా.. ప్రేక్షకులు బ్రతికించారు : నాగ వంశీ

January 19, 2024 / 07:29 PM ISTByFilmy Focus

Join Us

Guntur Kaaram: ‘గుంటూరు కారం’ .. వాళ్ళు చంపేయాలనుకున్నా.. ప్రేక్షకులు బ్రతికించారు : నాగ వంశీ

‘గుంటూరు కారం’ సినిమాకి కొంతమంది పనిగట్టుకుని నెగిటివ్ టాక్ స్ప్రెడ్ చేసారని నాగవంశీ సంచలన వ్యాఖ్యలు చేశారు. ‘సినిమా బాగున్నప్పటికీ చాలా మంది పనిగట్టుకుని దీనిని చంపేసే ప్రయత్నాలు చేశారు.. కానీ ప్రేక్షకులు బ్రతికించారు. కొంతమంది పనిగట్టుకుని డిస్ట్రిబ్యూటర్లకు ఫోన్ చేసి మరీ కలెక్షన్స్ తెలుసుకునే ప్రయత్నం చేశారు. వారికి మా సినిమా మీద అంత ప్రేమేంటో(సెటైరికల్ గా నవ్వుతూ) నాకు అర్థం కావడం లేదు. ‘గుంటూరు కారం’ మొదటి వారం మంచి వసూళ్లు సాధించింది.

మేము అనుకున్న దానికంటే కూడా ఈ సినిమా ఇప్పటికీ మంచి నంబర్స్ చేస్తుంది. మా ‘గుంటూరు కారం’ ని చంపేయాలని అనుకునే సో కాల్డ్ మీడియాకి మా ఆనందాన్ని తెలియపరచాలనే ఈరోజు ప్రెస్ మీట్ పెట్టడం జరిగింది’ అంటూ నాగవంశీ చెప్పుకొచ్చారు. ఆయన ఇంకా మాట్లాడుతూ.. ” సంక్రాంతి సెలవుల వల్లే ‘గుంటూరు కారం’ గట్టెక్కేసింది అంటూ ఇంకో రకంగా నెగిటివ్ కామెంట్స్ చేస్తున్నారు కొంతమంది. గతంలో కూడా నా సినిమా(అజ్ఞాతవాసి) సంక్రాంతికి రిలీజ్ అయ్యింది.

మరి అది ఎందుకు ఆడలేదు? అప్పుడు కూడా మీడియా అది బాలేదని రాసింది ఆడలేదు. ఇప్పుడు కూడా బాలేదు అని రాశారు మరి ఎందుకు ఆడింది? సీజన్ అన్ని సినిమాలకి కలిసి రావాలి కదా? ‘గుంటూరు కారం’ సినిమాకి మొదటి రోజు నెగిటివ్ టాక్ రావడానికి ఇంకో కారణం నైట్ ఒంటిగంటకు షోలు వేయడం అని నేను అనుకుంటున్నాను. మాది ఫ్యామిలీ ఎలిమెంట్స్ ఉన్న సినిమా. ‘సలార్’ లా పక్కా మాస్ సినిమా కాదు. అందుకే (Guntur Kaaram) ‘గుంటూరు కారం’ కి మొదట నెగిటివ్ టాక్ వచ్చింది. దాంతో నేను భయపడ్డాను.

కానీ మా హీరో మహేష్ బాబు గారు మాత్రం చాలా కాన్ఫిడెంట్ గా నిలబడ్డారు. ఆయన నమ్మకమే నిజమైంది. ఇక నైజాం కలెక్షన్స్ వీక్ గా ఉన్నాయి అంటున్నారు కానీ.. మేము ఎక్స్పెక్ట్ చేసిన దానికంటే కూడా నైజాంలో మంచి నెంబర్స్ చేశాయి. టికెట్ రేట్లు తగ్గించమని చాలా మంది అన్నారు. అది పూర్తిగా మా చేతుల్లో ఉండదు.డిస్ట్రిబ్యూటర్స్ చేతుల్లో ఉంటాయి. ఇప్పటికైతే మా సినిమా బ్రేక్ ఈవెన్ అవ్వబోతుంది అని బలంగా నమ్ముతున్నాను. త్వరలోనే సక్సెస్ మీట్ కూడా ఏర్పాటు చేస్తాం” అంటూ నాగ వంశీ చెప్పుకొచ్చారు.