Naga Vamsi: మహేష్-త్రివిక్రమ్ సినిమాపై నాగవంశీ కామెంట్స్!

సూపర్ స్టార్ మహేష్ బాబు, త్రివిక్రమ్ కాంబినేషన్ లో హ్యాట్రిక్ సినిమా(SSMB28) తెరకెక్కుతోన్న సంగతి తెలిసిందే. ఈ సినిమాలో పూజాహెగ్డే, శ్రీలీల, సంయుక్త మీనన్ లాంటి తారలు హీరోయిన్లుగా కనిపించనున్నారు. హారిక అండ్ హాసిని క్రియేషన్స్ బ్యానర్‌పై రాధాకృష్ణ, నాగ వంశీ ఈ సినిమాను నిర్మిస్తున్నారు. దీనికి తమన్ మ్యూజిక్ అందిస్తున్నారు. ఈ సినిమాను ఆగస్టులో రిలీజ్ చేయడానికి ప్లాన్ చేస్తున్నారు. ఇదిలా ఉండగా.. తాజాగా ఈ సినిమా గురించి నిర్మాత నాగవంశీ కొన్ని కామెంట్స్ చేశారు.

ధనుష్ హీరోగా నాగవంశీ నిర్మించిన ‘సార్’ సినిమా విడుదలకు సిద్ధంగా ఉంది. ఈ సినిమా ప్రమోషన్స్ లో భాగంగా మీడియాతో మాట్లాడారు నాగవంశీ. ఈ క్రమంలో మహేష్ సినిమా గురించి టాపిక్ వచ్చింది. దానికి ఆయన మహేష్ సినిమా ద్వారా రాజమౌళి రికార్డులకు దగ్గరగా వస్తామని నాగవంశీ చెప్పారు. అల్లు అర్జున్ ‘అల వైకుంఠపురములో’ సినిమాతో ఇంచుమించుగా ఆ రేంజ్ కి వెళ్లామని అన్నారు. SSMB28 సినిమాకి సంబంధించిన కొన్ని ఫుటేజీలను చూశానని,

త్రివిక్రమ్ ప్రెజంటేషన్ గురించి తనకు ఒక ఆలోచన ఉందని, ఈ సినిమా అద్భుతాలు చేస్తుందనే నమ్మకం ఉందని తెలిపారు. అభిమానులను ఈ సినిమా అసలు నిరాశపరచదని, మంచి ఫ్యామిలీ ఎంటర్టైనర్ గా సినిమా ఉంటుందని అన్నారు. ఇదే ఇంటర్వ్యూలో త్రివిక్రమ్, ఎన్టీఆర్ కాంబినేషన్ లో పౌరాణిక చిత్రాన్ని రూపొందించే ఆలోచనలో ఉన్నట్లు వెల్లడించారు. ఇది పాన్ వరల్డ్ కాన్వాస్ ను కలిగి ఉంటుందని.. త్వరలోనే కార్యరూపం దాల్చే అవకాశం ఉందని చెప్పారు.

ఇక ‘సార్’ సినిమా విషయానికొస్తే.. వెంకీ అట్లూరి ఈ సినిమాను డైరెక్ట్ చేశారు. ఈ సినిమా ఔట్ పుట్ తో తాను సంతోషంగా ఉన్నానని నాగవంశీ అన్నారు. పిల్లలకు నాణ్యమైన విద్యను అందించాలనుకునే ప్రతి మధ్యతరగతి తల్లిదండ్రులకు ఈ సినిమా కనెక్ట్ అవుతుందని అన్నారు.

అమిగోస్ సినిమా రివ్యూ & రేటింగ్!
పాప్ కార్న్ సినిమా రివ్యూ & రేటింగ్!

వేద సినిమా రివ్యూ & రేటింగ్!
యూ.ఎస్ లో టాప్ గ్రాసర్స్ గా నిలిచిన 10 టాలీవుడ్ సినిమాలు..!